ئەمڕۆ دووشەممە ١ی خەرمانان، هاووڵاتییەکی کورد بە ناوی "سەلاح عوسمانی"، تەمەن ٤٤ ساڵ، خەڵکی گوندی "خەراپە" و دانیشتووی گوندی "ڕزگاری (کارخانە قەند)"، سەر بە پیرانشار بە دانانی بارمتە لە زیندانی نەغەدە ئازاد کرا.
ڕۆژی یەکشەممە ٣١ی گەلاوێژ، ژنێکی لاو بە ناوی "سەبری (نگین) نەعلبەندی"، تەمەن ٢٨ ساڵ، خەڵکی گوندی "ئێرانشا" سەر بە سەقز، لەلایەن مێردەکەیەوە ئاگری تێبەردراوە و بەهۆی قووڵیی برینەکانییەوە، گیانی لەدەست داوە.
ڕۆژی شەممە ٣٠ی گەلاوێژ، سێ هاووڵاتیی کورد بە ناوەکانی "عوبەید ئەنوەری"، کوڕی ڕەحیم، خەڵکی گوندی "ئاڵیاوێ"، "ڕێبوار چارکداری"، تەمەن ٢٢ ساڵ، کوڕی محەممەد، خەڵکی شنۆ و "جەلال قادرزادە"، کوڕی عەبدوڵڵا، خەڵکی "نەڵۆس"، پاش کۆتایی ماوەی…
ڕۆژی شەممە ٣٠ی گەلاوێژ، هاووڵاتییەکی کورد بە ناوی "فەرهاد مەعرووفی"، کوڕی حەسەن و خەڵکی گوندی "ئاڵیاوێ" سەر بە شنۆ، پاش کۆتایی لێپرسینەوە لە یەکێک لە گرتنگە ئەمنییەتییەکان لە ورمێ، بۆ زیندانی شنۆ ڕاگوێزرا.
کرێکارانی ئازەرکام لە ورمێ بەهۆی دواکەوتنی پارەی ٥ مانگیان لەلایەن خاوەنکارەوە، لەبەردەم بینای ئەو کارگەیە کۆ بوونەتەوە و مانیان گرتووە.
ناوەندی نووسەرانی کوردستان سەبارەت بە سڕینەوەی زمانی کوردی لەسەر تابلۆکانی زانکۆی کوردستان لە سنە لە بەیاننامەیەکدا، ئەو هەوڵەی بەسیجی خوێندکارانیان مەحکووم کرد.
بەسیجی خوێندکاریی زانکۆی کوردستان هەوڵی سڕینەوەی زمانی کوردی لەسەر تابلۆ فەرمییەکانی ئەو زانکۆیەی داوە.
ڕۆژی دووشەممە ٢٥ی گەلاوێژ، دوو هاووڵاتیی کورد بە ناوەکانی "سیروان ئەرغەوانی"، کوڕی خوداکەرەم، "فەرزاد سادقییان"، کوڕی حەبیب و خەڵکی گوندی "تەنگیسەر"، سەر بە سنە، بۆ جێبەجێکردنی حوکمەکەیان ڕەوانەی زیندانی ئەو شارە کراون.
ڕۆژی چوارشەممە ٢٧ی گەلاوێژ، خالید محەممەدی، زیندانیی سیاسیی خەڵکی پیرانشار لە زیندانی نەغەدە هاتە مەرەخەسی.
ڕۆژی دووشەممە ٢٥ی گەلاوێژ، هاووڵاتییەکی کورد بە ناوی "ئیبراهیم عەلیزادە"، کوڕی سەعید و خەڵکی گوندی "تەرکەش" سەر بە پیرانشار، لەلایەن هێزە ئەمنییەتییەکانەوە دەسبەسەر کراوە.
ئاژانسی هەواڵدەریی کوردپا
