ڕۆژی سێشەممە ٢٦ی گەلاوێژ، دوو کۆڵبەر بە ناوەکانی "خەلیل خالیدی"، کوڕی عەبدوڵڵا و "فەرەیدوون محەممەدزادە"، کوڕی مەحموود و خەڵکی گوندی "زەرواوی خوارەوە" سەر بە بانە، لە ئەنجامی تەقەی هێزە نیزامییەکانی حکوومەتی لە سنووری "هەنگەژاڵ"، بریندار…
ڕۆژی سێشەممە ٢٦ی گەلاوێژ، هاووڵاتییەکی کورد بە ناوی "سەلاح عوسمانی"، تەمەن ٤٤ ساڵ خەڵکی گوندی "خەراپە"، دانیشتووی گوندی "ڕزگاری (کارخانە قەند)"، سەر بە پیرانشار لەلایەن هێزە ئەمنییەتییەکانەوە دەسبەسەر کرا.
ڕۆژی سێشەممە ٢٦ی گەلاوێژ، ئیرەج سۆفی محەممەد، زیندانیی مەزهەبیی بەندکراو لە زیندانی ورمێ کە لە ڕۆژی شەممە ٩ی گەلاوێژەوە دەستی دابووە مانگرتن، کۆتایی بە مانگرتنەکەی هێناوە.
ڕۆژی دووشەممە ٢٥ی گەلاوێژ، هاووڵاتییەکی کورد بە ناوی "سەردار ئالانی"، کوڕی لوقمان و خەڵکی گوندی "سینگان" سەر بە شنۆ، لەلایەن هێزە ئەمنییەتییەکانەوە دەسبەسەر کرا.
ڕۆژی دووشەممە ٢٥ی گەلاوێژ، چرۆ (ژاڵە) ئەحمەدی، مامۆستای زمانی کوردی و ئەندامی هەیئەتی بەڕێوەبەریی دامەزراوەی فەرهەنگی ــ کۆمەڵایەتیی زاگرۆس، لە شاری دیواندەرە لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کرا.
لقی ١ی دادگای ئینقلابی شاری سەقز بە سەرۆکایەتی "جەواد مستەفایی" حوکمی ٧ مانگ زیندانی تەعزیریی بۆ هونەرمەندێکی خەڵکی ئەو شارە بە ناوی "خالید کەریمنیا" ناسراو بە "خالید نارین" بڕییەوە.
ئەمڕۆ یەکشەممە ٢٤ی گەلاوێژ، "مەهدی جەوادی"، یەکێک لە برینداربووانی ڕووداوی تەقینەوەی مین لە شاری دێهلۆڕان، بەهۆی قورسیی برینەکانییەوە گیانی لەدەست داوە.
ئەمڕۆ یەکشەممە ٢٤ی گەلاوێژ، هاووڵاتییەک بە ناوی "عەلی ئەکبەری"، خەڵکی دێهلۆڕان، بەهۆی تەقینەوەی مین لە ناوچەی "شەرهانیـ"ـی ئەو شارەدا گیانی لەدەست داوە و دوو هاووڵاتیی دیکەش بریندار بوونە.
شەش هاووڵاتیی کورد بە ناوەکانی "هێمن قەرەداغی"، "ڕزگار عەینالوو"، "ئەحەد سۆنە"، "کاوە سلێمانپوور"، "سۆران دوورباش" و "ئاکۆ دوورباش"، خەڵکی مەهاباد هەروا لە گرتنگەدان و لە چارەنووسیان زانیارییەک لەبەردەستدا نییە.
ڕۆژی سێشەممە ١٩ی گەلاوێژ، خەبات مەفاخری، چالاکی ژینگەیی خەڵکی سنە، لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کراوە.
ئاژانسی هەواڵدەریی کوردپا
