پێنج چالاكی فەرهەنگیی كوردی شاری بۆكان كە ماوەی زیاتر لە یەك ساڵ لەمەوبەر دەستبەسەر و دواتر بە دانانی وەسیقە ئازاد كرابوون، سەرەنجام لەلایەن دادگای پێداچوونەوەی پارێزگای ئازهربایجانی رۆژئاواوه سەرجەم بە 11 ساڵ زیندانی تەعزیری حوكم دران.
هاووڵاتییەكی كورد لە حەوتەمین رۆژی ساڵی تازەدا، لە كاتی كۆڵبەریدا بەهۆی زریان و سەرماوە گیانی لە دەست دا.
4 هاووڵاتیی شاری شنۆ دوای چوار مانگ دەستبەسەر كران، بۆ ئازاد كردنیان داوای 5 میلیارد تمەن وەسیقەیان لێ كردوون و ئەوانیش بە نیشانەی ناڕەزایەتی، ماوەی 5 رۆژە مانیان لە خواردن گرتووە.
پارێزەری شێركۆ مەعارفی زیندانیی سیاسیی كورد رایگەیاند، جێبەجێ كردنی حوكمی ئیعدامی "موكل"ـەكەم بە دوور لە چاوەڕوانی نیە.
بە هۆی تەقینەوەی مین لە گوندی "کەچەڵ میان"ی ناوچەی سەرشیوی سەقز دوو منداڵی کوردی تەمەن ٧ و ٨ ساڵان کەم ئەندام بوون.
رێكخراوی لێبوردنی نێودەوڵەتی ئەمڕۆ سێشەممە بڵاوی كردەوە، سەرەڕای ئەوەی كە هێندێ وڵات لە دونیا رێژەی ئیعدامیان كەم كردۆتەوە، بەڵام بەپێی بەڵگەكان دەركەوتووە ساڵی 2011ی زایینی لە رۆژهەڵاتی ناوەڕاست رێژەی ئیعدامەكان پتر لە 50% بووە.
چوار كەس لە چالاكانی مافی مرۆڤ بە مەبەستی ئاگادار بوون لە رەوشی دوو هاووڵاتیی كوردی بە ئیعدام مەحكووم كراو سەردانی زیندانی رەجایی شەهریان كرد و لە ئەنجامدا لەلایەن لێپرسراوانی زیندانەوە ئیزنی چاوپێكەوتنیان پێ نەدرا.
پاش تەواو بوونی پشووەكانی نەورۆز، پەروەندەی قەتلی بە ئەنقەستی "پوورمەند مەدحەت نیا"، لەلایەن یەكێك لە مەئموورانی هێزی ئینتزامی لە لقی یەكەمی دادگای نیزامیی كرماشان بەدواداچوونی بۆ دەكرێت.
پاش ئەوەی كە 15 كەس لە نووسەر و داكۆكیكاری مافی مرۆڤ و چالاكی ژنانی كورد لەبەردەم رێكخراوی "CPT" لە شاری ستراسبۆرگی فەرانسە دەستیان دایە مانگرتن، كانوونی نووسەرانی كوردستانی ئێران لە راگەیەندراوێكدا پشتیوانیان لەو مانگرتنە كردووە.
لە ماوەی رۆژانی نەرۆزدا لە شارە جیاجیاكانی كوردستانی توركیە 700 هاووڵاتیی كورد لەلایەن هێزە ئەمنیەتییەكانی توركیەوە دەستبەسەر و دەیان كەسی دیكەش بریندار كراون.
ئاژانسی هەواڵدەریی کوردپا
