برینداربوونی کۆڵبەرێک و دەسبەسەرکرانی سێ کۆڵبەری دیکە

ئێوارەی ڕۆژی شەممە ٢٥ی گەلاوێژ، کۆڵبەرێکی کورد بە ناوی "سەڵمان مەحموودیان" کوڕی "سەعید" خەڵکی گوندی "شەقڵاوا"ی ناوچەی مەرگەوەڕ لە سنووری ورمێ، بە تەقەی هێزە نیزامییەکانی حکوومەت بریندار و سێ کۆڵبەری دیکە بە ناوی "پەرویز محەممەدی" کوڕی "خالید"، "سامی محەممەدی" کوڕی "فەیسەڵ" و "جەعفەر محەممەدی" کوڕی "خەلیل" خەڵکی گوندی "باوان"، لەلایەن هێزە نیزامییەکانی حکوومەتەوە دەسبەسەر کران.

"سەلمان مەحموودیان" لەو ڕووداوە بریندار و بۆ چارەسەریی پزیشکی ڕەوانەی ناوەندی دەرمانی لە ورمێ کراوە و هەنووکە لەژێر چاوەدێریی پزیشکیدایە.

کۆڵبەرانی دەسبەسەرکراو هەتا کاتی بڵاوبوونەوەی ئەم هەواڵە، لە گرتنگەی هێزە نیزامییەکانی حکوومەتدان.

وێنە: سامی محەممەدی، پەرویز محەممەدی و سەلمان مەحموودیان