كاسبكارانی سەر سنوور/ ئاگردانی خێوەت یان تەقەی هێزە نیزامییەكان

كوردپا: هێزە نیزامییەكانی كۆماری ئیسلامیی ئێران لە ناوچەی سەردەشت كاسبكارانی سەر سنوورییان داوەتە بەر دەستڕێژی.

بەپێی هەواڵی هەواڵنێری ئاژانسی هەواڵدەریی كوردپا لە سەردەشت، رێكەوتی 26‎ی سەرماوەز لە ئەنجامی دەسترێژی هێزە نیزامییەكانی حكوومەتی ئێران، لە نزیك \"دەرماناوێ‌\" و \"دۆڵەبی\" سەر بە سەردەشت20 ئەسپی بارهەڵگری كاسبكارانی كورد بە كوشت چوون.

هەر لەو پێوەندییەدا چەند رۆژ لەمەوبەر هێزە نیزامییەكان لە شوێنێك نزیک بە گوندی\"مارەغان\"‎ی سەردەشت خێوەتی ژمارەیەك لە كاسبكاران و كوڵبەرانی سەر سنوورییان ئاگر تێبەر داوە.

كاسبكاران ئەو خێوەتانەیان بە مەبەستی ترس لە سەرما و حەسانەوە لە نزیك مارەغان درووست كردبوو.