کوژران و برینداربوونی ٦ کۆڵبەر بە هۆی بەربوونەوە لە بەرزاییەکانی "ژاڵانە" لە هەورامان

سەرلەبەیانیی ڕۆژی پێنجشەممە، ٩ی خاکەلێوەی ١٤٠٣، کۆڵبەرێک بە ناوی "شۆڕش شوکری"، خەڵکی گوندی "ئاڵمانە" سەر بە شاری مەریوان، بە هۆی بەربوونەوە لە بەرزاییەکانی "ژاڵانە"ی هەورامان گیانی لەدەست دا و ٥ کۆڵبەری دیکەش بە سەختی بریندار بوون.

بە وتەی سەرچاوەیەکی ئاگادار، شۆڕش شوکری، بە هۆی سەختیی برینەکانییەوە لە کاتی ڕاگواستنی بۆ ناوەندە دەرمانییەکان گیانی لەدەست داوە.

ئەم سەرچاوە ئاگادارە ڕایگەیاند: برینداربووان ئەم ڕووداوە دۆخیان ناجێگیر بووە و ڕەوانەی ناوەندە دەرمانییەکانی کرماشان کراون.

ئەم ٦ کۆڵبەرە خەڵکی شارەکانی مەریوان و بانەن.

کوردپا بە مەبەستی دەستخستنی وردەکاریی زیاتر سەبارەت بە شوناس و دۆخی ئەو ٥ کۆڵبەرە خەریکی بەدواداچوونە.