هاووڵاتییەک پاش تەواوبوونی ماوەی لێپرسینەوەکەی بۆ زیندانی ورمێ ڕاگوێزرا

ڕۆژی چواڕشەممە ٢١ی خەزەڵوەر، هاووڵاتییەکی کورد بە ناوی "عەبدولغەنی دەروێشی" خەڵکی ورمێ، پاش تەواوبوونی ماوەی لێپرسینەوەکەی لە ئیدارەی ئیتلاعاتی ئەو شارە، بۆ زیندانی ورمێ ڕاگوێزرا.

ئەو هاووڵاتییە ماوەی ٧ مانگ پێش بەبێ بەڵگەی یاسایی و بە تۆمەتی "هاوکاری لەگەڵ یەکێک لە حیزبە کوردستانییەکان" لەلایەن هێزە ئەمنییەتییەکانەوە دەسبەسەر کرابوو.

عەبدولغەنی دەروێشی، لە ماوەی دەسبەسەر کرانیدا، لە "دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی" بێبەری کرابوو.