هاووڵاتییەکی کورد لە کامیاران لەلایەن هێزە ئەمنییەتییەکانەوە دەسبەسەر کرا

ڕۆژی چوارشەممە ٨ی گەلاوێژ، هێزە ئەمنییەتییەکان چالاکێکی مەدەنییان بە ناوی "فەریاد عەبدی" خەڵکی کامیاران دەسبەسەر کرد.

دەسبەسەرکردنی ئەو هاووڵاتییە کوردە، بەبێ بەڵگەی یاسایی بووە و دواتر بۆ لێپرسینەوەی ڕەوانەی گرتنگەی ئیدارەی ئیتلاعاتی سنە کراوە.

هێزە ئەمنییەتییەکان "فەرهاد عەبدیـ"ـیان لە کتێبفرۆشییەکەی خۆی دەسبەسەر کردووە.

ئەو چالاکە مەدەنییە هەتا ئێستا لە "پەیوەندیی تەلەفۆنی لەگەڵ بنەماڵەکەی و دەستپێڕاگەیشتن بە پارێزەر" بێبەری بووە.

هەتا کاتی بڵاوبوونەوەی ئەم هەواڵە، لە هۆکاری دەسبەسەرکردنی ئەو هاووڵاتییە کوردە هیچ زانیارییەک لەبەر دەستدا نییە.