هاووڵاتییەکی شنۆیی لە تەورێز دەسبەسەر کرا

لە ماوەی ڕۆژانی ڕابردوودا، لاوێکی کورد بە ناوی "یووسف (فەرزاد) ئیبراهیم‌زادە" کوڕی "محەممەدخالید" خەڵکی گوندی "کانی ڕەشـ"ـی شنۆ، لەلایەن هێزە ئەمنییەتییەکانەوە لە تەورێز دەسبەسەر کرا و بۆ شوێنێکی نادیار ڕاگوێزرا.

ئەو لاوە کوردە لە کاتی سەربازیدا دەسبەسەر کرا و هێزە ئەمنییەتییەکان دەستیان بەسەر مۆبایل و هەندێک کەرەستەی کەسیی ناوبراودا گرتووە.

"یووسف ئیبراهیم‌‌زادە" پاش دەسبەسەرکرانی دوو لاوی دیکەی خەڵکی گوندی "کانی ڕەش" بە ناوەکانی "ئالان بەنگین و یەحیا ئیبراهیمی"، لەلایەن هێزە ئەمنییەتییەکانەوە دەسبەسەر کراوە.

هەتا کاتی بڵاوبوونەوەی ئەم هەواڵە، لە هۆکاری دەسبەسەرکردن و چارەنووسی ئەو لاوە سەبازە کوردە، هیچ زانیارییەک لەبەر دەستدا نییە.