سنە؛ سادق کەنعانی لەلایەن هێزە ئەمنییەتییەکانەوە دەسبەسەر کرا

ڕۆژی چوارشەممە ١ی پووشپەڕ، سادق کەنعانی چالاکی سێنفیی مامۆستایانی سنە لەلایەن هێزە ئەمنییەتییەکانەوە دەسبەسەر کرا.

هێزە ئەمنییەتییەکان بە بێ بەڵگەی یاسایی ئەو چالاکە سێنفییەیان دەسبەسەر کردووە و بۆ شوێنێكی نادیار ڕاگواستووە.

هەتا ئێستا بەدواداچوونی بنەماڵەی کەنعانی بۆ ئاگاداربوون لە چارەنووسی ئەو چالاکە سێنفییە، بێئاکام بووە.

هەتا کاتی بڵاوبوونەوەی ئەم هەواڵە، لە هۆکاری گیران و تۆمەتی دژی سادق کەنعانی زانیارییەک لە بەردەستدا نییە.

لەو پەیوەندییەدا، سەرلە بەیانی ڕۆژی چوارشەممە ١ی پووشپەڕ  "ئارام ئیبراهیمی" چالاکی سێنفیی مامۆستایانی سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.

هەتا ئێستا ٧ ئەندامی ئەنجومەنی سێنفیی مامۆستایانی کوردستان - سنە و کەڵاتەرزان لەلایەن هیزە ئەمنییەتییەکانەوە دەسبەسەر کراون.

"سادق کەنعانی، ئارام ئیبراهیمی، ڕەزا تەهماسبی، غەیاس نێعمەتی، سەلاح حاجی‌میرزایی، محەممەدڕەزا مورادی و بێهزاد قەوامی"، شوناسی ئەو شەش مامۆستا دەسبەسەرکراوەی سنەن.