تەقینەوەیەکی بەهێز لە هۆڵی شایی مانگەشەوی سەقز، چەندین کوژراو و برینداری لێکەوتەوە

ئاژانسی کوردپا: تەقینەوەی گاز لە هۆڵی "مانگەشەو"ی سەقز، ١١ کوژراو و ٤٥ برینداری بەدواوە بوو.

بەپێی ڕاپۆرتی گەیشتوو بە ئاژانسی هەواڵدەریی کوردپا، شەوی پێنجشەممە، ١٤ی سەرماوەز، تەقینەوەی گاز لە هۆڵی "مانگەشەو"ی سەقز، ئەو شاییەی کرد بە شیوەن.

ئەو ڕووداوە لە کاتی نانخواردن و لە شوێنی نانخواردندا ڕوویداوە و بە وتەی سەرچاوە خۆجێییەکانی سەقز، "پچڕانی سۆندەی گاز" هۆکاری تەقینەوەکە بووە.

هەتا ئێستا شوناسی ١٠ کەس لە کوژراوانی ئەو ڕووداوە ڕوون بووەتەوە و شوناسی کوژراوێک ناڕوونە.

ئەو هاووڵاتییانە کە گیانیان لەدەست داوە و شوناسیان ڕوونە، بریتین لە:

١_ مونا حەسەن‌پوور تەمەن ٣ ساڵ

٢_ مەنیژە ڕەحمانی تەمەن ٤٥ ساڵ

٣_ ماهان بارامی تەمەن ٥ ساڵ

٤_ ئارشام ڕەسووڵی تەمەن ٤ ساڵ

٥_ شەریف ڕەزایی تەمەن ٧٠ ساڵ

٦_ سووژین قادرزادە تەمەن ٥ ساڵ

٧_ هێژین تەمەن ٤ ساڵ

٨_ سەعادەت عەلیزادە

٩_ ئایشە مەحموودی

١٠_ هاجەر پەسەندی.

هەروەها ژمارەیەک لە برینداربووەکانی ئەو ڕووداوە بریتین لە:

١_ مەنیژە ئەحمەدی تەمەن ٤٧ ساڵ

٢_ ئیبراهیم فاتمی

٣_ پەریزاد ئەحمەدی

٤_ ڕەحیم کەریمی

٥_ فەریبا سەعیدی

٦_ ئامینە عارفی

٧_ عوسمان بارامی

٨_ شادی خوایی

٩_ عەزیم عەبادی

١٠_ تاهیر ڕەشیدی

١١_ نەسرین فاتمی

١٢_ فەرزانە مستەفایی

١٣_ مستەفا ئەحمەدزاد.

١٤_ عوسمان حەسەن‌پوور

١٥_ سومەیە ساڵحی.