هاووڵاتییەکی کورد خەڵکی باشووری کوردستان، کە بە تۆمەتی ئەندامبوون لە یەکێک لە گرووپە دژبەرەکانی حکوومەتی ئێران، بە ٥ ساڵ زیندانی مەحکووم کرابوو، لە دۆسیەیەکی نوێی ئیتلاعاتدا، یەکساڵ زیندانیی دیکەی بەسەردا سەپا.
هاووڵاتییەکی کورد خەڵکی بەخشی قوتوور سەر بە شاری خۆی بە هۆی تەقەی هێزە نیزامییەکانی حکوومەتی پێکرا.
کاسبکارێکی کورد، خەڵکی شاری مەهاباد بە تەقەی ڕاستەوخۆی هێزە نیزامییەکانی حکوومەتی ئێران لە شاری پیرانشار گیانی لە دەستدا.
زیندانییەکی سیاسیی کورد خەڵکی شاری مەهاباد، بە هۆی گوشارە بەردەوامەکانی هێزە ئیتلاعاتییەکان، بە ناچاری زێدی خۆی بە جێهێشت.
چالاکێکی ژینگەپارێزیی کورد، خەڵکی شاری سنە لە لایەن لقی ١٠٣ی دادگای کەیفەریی ئەو شارە بە ٣ مانگ زیندانی یان بڕی ١میلیۆن ٨٠٠ هەزار تەمەن نەختی سزا درا.
زیندانییەک لە زیندانی ناوەندیی شاری ورمێ بە هۆی پێڕانەگەیشتنی پزیشکی و لە ڕەوانەکردنی بۆ دەرەوەی زیندان بۆ چارەسەری پزیشکی بێبەرییە.
١٤٠ سەر مەڕوماڵاتی هاووڵاتییەکی کورد خەڵکی ناوچەی مەرگەوەڕی ورمێ لە لایەن سپای پاسدارانەوە دەستی بەسەردا گیرا.
هاووڵاتییەکی کورد خەڵکی شاری ورمێ بانگهێشتی ئیدارەی ئیتلاعاتی ئەو شارە کرا و لێپرسینەوەی لەگەڵ کرا.
ڕێپۆرتێرانی بێسنوور، بانگهێشت و مەحکوومکردنی دوو ڕۆژنامەنووسی کورد، خەڵکی شاری سنەیان مەحکووم کرد.
مێرمنداڵێکی کورد تەمەن ژێر ١٨ ساڵ، لە لایەن لقی یەکی دادگای کەیفەریی ١ی پارێزگای سنە، بە تۆمەتی "کوشتنی بە ئەنقەست" بە ئێعدام مەحکووم کرا.
ئاژانسی هەواڵدەریی کوردپا
