ڕۆژی پێنجشەممە ٢١ی خاکەلێوە، نووسەر و چالاکێکی ژینگەپارێزیی کورد بە ناوی "ئیسمائیل حەمیدیان" خەڵکی سراولەی کارزانی شاری ئیلام، بەهۆی بەربوونەوەی لە بەرزاییەکانی شاخی مانشتی ئیلام گیانی لەدەست دا.
دیوانی باڵای وڵات لەژێر گوشاری سپای پاسداران حوکمی لەسێدارەدانی "ئەرسەلان خودکام"، زیندانیی سیاسیی کورد لە گرتووخانەی ناوەندیی ورمێی پشتڕاست کردەوە.
ئێوارەی ڕۆژی چوارشەممە ٢٠ی خاکەلێوە، تەرمی کۆڵبەرێک بە ناوی "عەسکەر محەممەدی" خەڵکی گوندی "نەبی کەندیـ"ـی بەخشی ناوەندیی چاڵدێران لە بەرزاییەکانی ئەو شارەدا دۆزرایەوە.
"شارام سەفەری"، ڕۆژنامەنووس و بەڕێوەبەری کاناڵی تێلێگرامیی "ڕاوێژ پرس"، بانگهێشتی دادگای سەرپێڵ زەهاو کرا.
کۆمەڵگای مەدەنیی کوردستانی ڕۆژهەڵات لە ڕاگەیەندراوێکدا، داوای یەک خولەک چەپڵەلێدان لەسەر سەربانی ماڵەکان بۆ "ڕەشید شێخ ئاغایی" کارمەندی فریاکەوتنی نەخۆشخانەی بۆکان و "محەممەد یارئەحمەدی" پەرستاری سەقزی کە بەهۆی کۆروناوە گیانیان لەدەست دا،…
لە ماوەی دوو ڕۆژی ڕابردوودا، ١٩ زیندانی لە زیندانی ناوەندیی ورمێ، بۆ ئەنجامی تاقیکاریی کۆرۆنا ڕەوانەی نەخۆشخانەی دەرەوەی زیندان کراون.
فەرماندەی هێزە نیزامییەکانی ماکۆ، باسی لە دەسبەسەرکردنی دوو کەس لە ماکۆ بەهۆی بڵاوکردنەوەی هەواڵی ڤایرۆسی کۆرۆنا کرد.
ڕۆژی دووشەممە ١٨ی خاکەلێوە، کۆڵبەرێکی کورد بە ناوی "بورهان جنکانلو" تەمەن ٢٨ ساڵ، خەڵکی شاری بازرگان سەر بە ماکۆ، لە بەرزاییەکانی سنووری ئەو شارە بە تەقەی هێزە نیزامییەکانی حکوومەتی ئێران گیانی لەدەست دا و دوو کۆڵبەری دیکە بریندار بوون.
محەممەد جەباری دادستانی گشتی و ئینقلابی سنە، دوایین موڵەتی بۆ خۆڕادەستکردنەوەی زیندانیانی هەڵاتووی زیندانی سەقز، هەتا ڕۆژی پێنجشەممە ٢١ی خاکەلێوە، ڕاگەیاند.
بۆ پێشگیری لە بڵاوبوونەوەی ڤایرۆسی کۆرۆنا، ڕێکخراوی مافی مرۆڤی کوردستان (ڕیکخراوی داکۆکیی لە مافی مرۆڤی کوردستان) خوازیاری توندوتۆڵگرتنی دابڕگەی سەرتاسەری، دوورکەوتنەوە لە یەکتری، ئازادیی زیندانییانی سیاسی و عەقیدەتی بوو.
ئاژانسی هەواڵدەریی کوردپا
