ڕۆژی چوارشەممە ٣١ی بانەمەڕ، لاوێکی کورد بە ناوی "شەهاب ئاجی" کوڕی "حوسێن"، تەمەن ٢٣ ساڵ و خەڵکی گوندی "گەرگول" و دانیشتووی نەغەدە، پاش بانگهێشتکردنی بۆ ئیدارەی ئیتلاعات ورمێ، دەسبەسەر کراوە.
لە ماوەی ڕۆژانی ڕابردوودا، لاوێکی کورد بە ناوی "یووسف (فەرزاد) ئیبراهیم‌زادە" کوڕی "محەممەدخالید" خەڵکی گوندی "کانی ڕەشـ"ـی شنۆ، لەلایەن هێزە ئەمنییەتییەکانەوە لە تەورێز دەسبەسەر کرا و بۆ شوێنێکی نادیار ڕاگوێزرا.
لقی ٥ی دادوەریی لێکۆڵینەوەی دادسەرای گشتی و ئینقلابی سەقز، هەڵگرتنی بڕیاری داواکردنی "منع تعقیبـ"ـی بۆ "مەحموود ساڵحی و عوسمان ئیسماعیلی" لە چالاکانی کرێکاری ئەو شارە دەر کرد.
ڕۆژی چوارشەممە ٣١ی بانەمەڕ، چالاکێکی کۆمەڵایەتیی خەڵکی سنە بە ناوی "سامان قادرنژاد"، لەلایەن ستادی خەبەری ئیتلاعاتی شاری سنە بانگهێشت و لێپرسینەوەی لێکرا.
لە ماوەی ڕۆژانی ڕابردوودا، حوکمی ٥ ساڵ زیندانیی تەعزیری هاووڵاتییەکی کورد بە ناوی "سدیق سەیفی" خەڵکی شاری دیواندەرە لە دادگای پێداچوونەوەی سنە، پشتڕاست کرایەوە.
هاووڵاتییەکی کورد بە ناوی "ئیرج سۆفی محەممەد" کوڕی "ئیبراهیم" و خەڵکی مەهاباد، لەلایەن لقی ٢ی دادگای ئینقلابی ورمێ بە سەرۆکایەتیی "شێخلوو"، بە ١٥ ساڵ زیندانیی تەعزیری مەحکووم کرا.
ڕۆژی سێشەممە ٣٠ی بانەمەڕ، شەڕ و تێکەڵچوون لەنێوان هێزەکانی سپای پاسداران و گرووپێکی چەکدار لە مەریوان هاتە ئاراوە.
ڕۆژی سێشەممە ٣٠ی بانەمەڕ، "موژگان کاووسی"، نووسەر و لێکۆڵەری کورد کە به ٧٦ مانگ و ١٥ ڕۆژ زیندانی مەحکووم کراوە، بەپێی حوکمی "تەجمیع"، ٣٦ مانگی ئەو حوکمە جێبەجێ دەکرێت و بۆ تێپەڕاندنی حوکمەکەی دەسبەسەر کرا.
هاووڵاتییەکی کوردی خەڵکی شاری مەریوان، بە ناوی "خدر پیروزی"، ١٤ ساڵ پێش لەلایەن هێزە ئیتلاعاتییەکانەوە دەسبەسەر و بێسەروشوێن کرا.
لە ماوەی ڕۆژانی ڕابروودا، "عوسمان مستەفاپوور"، زیندانیی سیاسیی کورد، بەهۆی گوشاری ئیدارەی ئیتلاعاتی پیرانشار، زێدی خۆی بەجێ هێشت.
ئاژانسی هەواڵدەریی کوردپا
