ئەمڕۆ سێشەممە ٢٨ی بانەمەڕ، تەرمی کۆڵبەرێکی کورد بە ناوی "زابت ئالخانی"، تەمەن ٤٦ ساڵ، کوڕی عەزیز و خەڵکی گوندی "ئاغ‌بەرزە" سەر بە بەخشی کۆهساری سەڵماس کە بەهۆی تەقەی ڕاستەوخۆی هێزە نیزامییەکانی حکوومەتییەوە گیانی لەدەست دابوو، لە زێدی خۆی…
بەرپرسانی زانکۆی زانستی پزیشکیی پارێزگای کرماشان ڕایانگەیاندووە: " ٩٠ لەسەدی دەرمانخانە گیاییەکان بە شێوەی نایاسایی کار دەکەن و تەنیا ١٠ لەسەدی چالاکیی یاساییان هەیە".
ڕۆژی ڕابردوو، "ئەمین محەممەدی"، هەواڵنێری هەیئەتی خانەی مەتبووعاتی ئیلام، بەهۆی تۆمارکردنی سکاڵایەکی کۆنی یەکێک لە ناوەندە حکوومەتییەکان، لە شاری سیروان سەر بە پارێزگای ئیلام، دەسبەسەر کرا.
ڕۆژی دووشەممە ٢٧ی بانەمەڕ، کۆڵبەرێک بە ناوی "عەبدوڵڵا"، بەهۆی تەقەی ڕاستەوخۆی هێزە نیزامییەکانی حکوومەتی لە سنووری "زلە"ی شاری بانە بریندار بووە.
ئەمڕۆ دووشەممە ۲۷ی بانەمەڕ، کۆڵبەرێکی کورد بە ناوی "یووسف ئەمینی"، خەڵکی گوندی "نەنوور" سەر بە بانە، بەهۆی تەقەی هێزە نیزامییەکانی حکوومەتی لە سنووری "بروێشکانیـ"ـی ئەو شارەوە، بریندار بووە.
زیندانییەکی سیاسیی کورد بە ناوی "ئومید ئیبراهیمی"، کوڕی قادر و خەڵکی شنۆ، بە کۆتایی ماوەی زیندانییەکەی لە زیندانی ئەو شارە ئازاد کرا.
شەوی شەممە ٢٥ی بانەمەڕ، کۆڵبەرێکی کورد بە ناوی "زابت ئالخانی"، تەمەن ٤٦ ساڵ، کوڕی عەزیز و خەڵکی گوندی "ئاغ‌بەرزە" سەر بە بەخشی کۆهساری سەڵماس، بەهۆی تەقەی ڕاستەوخۆی هێزە نیزامییەکانی حکوومەتییەوە گیانی لەدەست داوە.
بەپێی ڕاپۆرتی هەواڵدەریی هێرانا، سەرلەبەیانیی ڕۆژی یەکشەممە ٢٦ی بانەمەڕ، حوکمی لە سێدارەدانی زیندانییەک بە ناوی "جەماڵ محەممەدی"، بە تۆمەتی "قەتڵ"، لە زیندانی ئیلام جێبەجێ کراوە.
عوسمان ئیسماعیلی و مەحموود ساڵحی، پاش دەسبەسەرکرانیان لەلایەن لقی ٣ی لێپرسی دادسەرای گشتی و ئینقلابی سەقز و دیاریکردنی بارمتە بۆ ئازادیی کاتییان، ڕەوانەی زیندانی ئەو شارە کران.
ئەمڕۆ یەکشەممە ٢٦ی بانەمەڕ، دوو چالاکی کرێکاری بە ناوەکانی "عوسمان ئیسماعیلی" و "مەحموود ساڵحی"، خەڵکی سەقز دەسبەسەر کران.
ئاژانسی هەواڵدەریی کوردپا
