لە ماوەی ڕۆژانی ڕابردوودا، هاووڵاتییەکی کورد بە ناوی "فەرهاد فاتحی"، کوڕی ئەسغەر، خەڵکی گوندی "ئاهەنگەران" و دانیشتووی کامیاران، بەهۆی تەقەی هێزە نیزامییەکانی حکوومەتی لە شاری خوڕڕەماوا سەر بە لوڕستان، بریندار بووە.
ڕۆژی شەممە ٢٥ی بانەمەڕ، لە یەکێک لە نانەواخانەکانی شاری دەڕەشار سەر بە پارێزگای ئیلام، منداڵێکی کار، تەمەن ١٣ ساڵ، بەهۆی گیرکردنی لە دەزگای نانەواخانە، تووشی ڕووداوی کار بووە.
ئانیسا جەعفەری‌‌مێهر و داریووش مورادی، دوو چالاکی فەرهەنگیی خەڵکی شاباد، بانگهێشتی دادگای ئینقلابی ئەو شارە کران.
لە ماوەی ڕۆژانی ڕابردوودا، دوو کۆڵبەر بە ناوەکانی "کۆسار و ئەکرەم ڕۆستەم‌نژاد"، کوڕی ئەحمەد و خەڵکی گوندی "شمشێر" سەر بە پاوە، بەهۆی تەقەی هێزە نیزامییەکانی حکوومەتی ئێران و بەربوونەوە لە بەرزاییەکانی سنووری نەسوود بریندار بوونە.
لە چارەنووسی دوو هاووڵاتیی کورد بە ناوەکانی "داریووش خالیدییان"، تەمەن ۲۲ ساڵ، کوڕی هووشەنگ و "مۆحسێن سەعیدی"، تەمەن ۲۱ ساڵ، کوڕی حوسێن و خەڵکی شاری قوروە، زانیارییەک لە بەردەستدا نییە.
هاووڵاتییەکی کورد بە ناوی "عەبدوڵڵا سەرئەفراز"، تەمەن ٢٣ ساڵ و خەڵکی گوندی "تووە" سەر بە سەردەشت کە بەهۆی تەقینەوەی مین بە توندی بریندار ببوو، بۆ چارەسەری پزیشکی ڕەوانەی یەکێک لە نەخۆشخانەکانی ورمێ کراوە.
لە چەند ڕۆژی ڕابردوودا، بەهۆی ڕووداوی سروشتیی هەورەتریشقە، زیاتر لە ٢ هەزار میتری چوارگۆشە، لە لەوەڕگە و لێرەوارەکانی شاری دێهلوڕان، سووتاون.
ڕۆژی چوارشەممە ٢٢ی بانەمەڕ، کۆڵبەرێکی کورد بە ناوی "حەسەن عەلەم هوولوو"، خەڵکی چاڵدێران، بەهۆی تەقەی هێزەکانی ئەرتشی تورکیەوە بریندار بووە.
ڕۆژی سێشەممە ٢١ی بانەمەڕ، عەلی ئازەربەرزین، زیندانیی سیاسیی خەڵکی پیرانشار، بە پێبەندی ئێلێکترۆنیکی لە زیندانی نەغەدە ئازاد کرا.
هاووڵاتییەکی کورد بە ناوی "محەممەد مورادی" خەڵکی گوندی "قەبری حوسێن" سەر بە شاری پیرانشار بە تۆمەتی "محاربه" لە ڕێگای ئەندامبوون لە یەکێک لە حیزبە کوردییەکانی ئۆپۆزیسیۆنی حکوومەتی ئێران، لەلایەن لقی ١ی دادگای ئینقلابی مەهاباد، بە ٤٠ ساڵ…
ئاژانسی هەواڵدەریی کوردپا
