ڕۆژی شەممە ٢٠ی خەرمانان، دوو هاووڵاتیی کورد بە ناوەکانی "محەممەد"، خەڵکی بانە و "ڕامیار"، خەڵکی گوندی "سەبەتلوو" سەر بە بەخشی ناوەندیی بانە، لە ئەنجامی تەقەی هێزە نیزامییەکانی حکوومەتی لە بەرزاییەکانی سنووریی ئەو شارەدا، بریندار بوونە.
٨٥٠ بنەماڵەی ئەندامی شیرکەتی تەعاونیی خانووبەرە لە سنە بەهۆی کەم‌کاریی ئیدارەی ڕێگا و شارسازی لە نزیک ئەو تەعاونییە بە هەڵدانی خێوەت ناڕەزایەتییان دەربڕی.
ڕۆژی پێنجشەممە ١٨ی خەرمانان، تەحسین پیروزی، زیندانیی سیاسیی کورد، خەڵکی گوندی "سەردۆش" سەر بە مەریوان، لە زیندانی بەندەرعەباس هاتە مەرەخەسی.
بەهۆی وشکەساڵی لە ئاستی پارێزگای سنە، بەرهەمهێنانی گەنم لەو پارێزگایە لە ئەمساڵدا ٦٢ لەسەد داکشاوە.
لە ڕۆژی پێنجشەممە ١٨ی خەرمانان، سپای پاسداران دەستی بە بۆردومانی ئاسمانی و تۆپبارانکردنی خاکی هەرێمی کوردستان کردووە و هەتا ئێستاش ئەم هێرشانە بەردەوامە.
دادگای ئینقلابی مەهاباد، هاووڵاتییەکی کوردی بە ناوی "سەعید فەتحی‌نژاد"، تەمەن ٢٨ ساڵ و کوڕی عەلی، بە ٤ ساڵ و ٣ مانگ زیندان، مەحکووم کرد.
هەواڵدەریی "تەسنیم" لە هەواڵێکدا ڕایگەیاندووە کە سپای پاسداران لە هێرشێکی ئاسمانی و تۆپخانەییدا بۆ سەر بنکەکانی حیزبە کوردییەکانی ئۆپۆزیسیۆنی حکوومەتی ئێران، لە دڕۆنە ئینتحارییەکان کەڵکی وەرگرتووە.
سەرەڕای گرانی و هەڵاوسانی شتومەک لە کوردستان، کرێکارانی شارەداریی ئیلام ماوەی ٥ مانگە پارەیان وەرنەگرتووە و ئەمەش ژیانی ئەو کرێکارانەی تاڵ کردووە.
بەرەبەیانیی ئەمڕۆ پێنجشەممە ١٨ی خەرمانان، سپای پاسداران ناوچە شاخاوییەکانی هەرێمی کوردستانی بۆردومان کردووە.
ڕۆژی دووشەممە ١٥ی خەرمانان، دوو هاووڵاتیی کورد بە ناوەکانی "بێهرووز عەزیزی"، تەمەن ٤٠ ساڵ، کوڕی محەممەدساڵح و "ڕەسووڵ عەزیزیان"، تەمەن ٥٠ ساڵ، کوڕی محەممەد و خەڵکی گوندی "میراو"، سەر بە ناوچەی ژاوەرۆی سنە، لەلایەن هێزە ئەمنییەتییەکانەوە…
ئاژانسی هەواڵدەریی کوردپا
