ڕۆژی سێشەممە ١٦ی خەرمانان، مێرمنداڵێک بە ناوی "محەممەد فەردانی"، تەمەن ١٥ ساڵ، کوڕی ڕەسووڵ و خەڵکی شاری "میراوا"ی سەردەشت، لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کراوە.
شەوی سێشەممە ١٦ی خەرمانان، کۆڵبەرێک بە ناوی "حوسێن سەلکانی"، خەڵکی گوندی "شوانکارە" سەر بە ڕوانسەر، بەهۆی بەربوونەوە لە بەرزاییەکانی سنووری نەوسوود، بریندار بووە.
کۆڵبەرێکی کورد بە ناوی "سەدیق تیکابی"، تەمەن ٥٥ ساڵ و خەڵکی شاری سەقز، پاش تەقەی ڕاستەوخۆی هێزە نیزامییەکانی حکوومەتی، بەهۆی قووڵیی برینەکانییەوە ڕەوانەی نەخۆشخانەی تەورێز کراوە.
سەرەڕای تێپەڕبوونی یەک مانگ لە دەسبەسەرکرانی هاووڵاتییەکی کورد بە ناوی "کامیل ساڵحی"، کوڕی قادر و خەڵکی بانە، لە چارەنووسی ناوبراو زانیارییەک لەبەردەستدا نییە.
بەڕێوەبەریی پزیشکیی یاسایی پارێزگای سنە ڕایگەیاندووە؛ لە سەرەتای ٤ مانگی ئەمساڵدا، لەو پارێزگایە، ١٥٩ کرێکار تووشی ڕووداوی کار بوونه.
ڕۆژی دووشەممە ١٥ی خەرمانان، دوو کۆڵبەری کورد بە ناوەکانی "سەدیق تیکابی"، تەمەن ٥٥ ساڵ و "خەبات سادقی"، تەمەن ٢٠ ساڵ، خەڵکی شاری سەقز، لە ئەنجامی تەقەی هێزە نیزامییەکانی حکوومەتی لە سنووری "بڕوێشکانیـ"ـی بانە، بریندار بوونە.
ڕۆژی سێشەممە ١٦ی خەرمانان، هاووڵاتییەکی کورد بە ناوی "ڕەشید ڕەحیمی"، خەڵکی بۆکان، بە دانانی بارمتە لە زیندانی ئەو شارەدا ئازاد کرا.
ئەمڕۆ سێشەممە ١٦ی خەرمانان، کرێکارێکی کورد بە ناوی "ئیرەج ڕەحیم‌پوور" کوڕی "محەممەد" خەڵکی نۆدشە تووشی ڕووداوی کار بوو.
ڕۆژی دووشەممە ١٥ی خەرمانان، هاووڵاتییەکی کورد بە ناوی "چیا ئاقابەیگ‌پوور" کوڕی ئەحمەد خەڵکی گوندی "ڕەحیماوا"ی شاری بۆکان، بە دانانی بارمتە لە یەکێک لە گرتنگە ئەمنییەکانی ورمێ، ئازاد کرا.
سەرلەبەیانیی ئەمڕۆ سێشەممە ١٦ی خەرمانان، عوسمان مستەفاپوور، زیندانیی سیاسیی پێشووی کورد، بەهۆی نەخۆشیی کۆرۆنا، لە یەکێک لە نەخۆشخانەکانی شاری کۆیە، گیانی لەدەست دا.
ئاژانسی هەواڵدەریی کوردپا
