سەرلەبەیانیی ڕۆژی سێشەممە ١٠ی جۆزەردان، حوکمی لەسێدارەدانی زیندانییەک بە ناوی "ئەیووب لەتیفی" کە پێشتر بە تۆمەتی "کوشتنی بەئەنقەست" بە "قساس" مەحکووم کرابوو، لە زیندانی ناوەندیی کرماشان (دیزڵاوا) جێبەجێ کرا.
سەرلەبەیانی ئەمڕۆ هەینی ٢٠ی جۆزەردان، حوکمی ئێعدامی دوو زیندانی بە ناوەکانی "وەحید بێهمەرام" کوڕی فەریدوون خەڵکی ورمێ و "قلیچ شکووهی" کوڕی عەزیز خەڵکی گوندی "نێچەلانـ"ـی بەخشی سێرۆ لە زیندانی ناوەندیی ورمێ جێبەجێ کرا.
ڕێکخراوی مافی مرۆڤی ئێران باسی لە لەسێدارەدانی هاووڵاتییەک بە ناوی "دروود یووسفبەیگی" تەمەن ٣٣ ساڵ لە زیندانی کرماشان کرد.
ڕۆژی ڕابردوو بەهۆی وەرگەڕانی ماشینێک لە جۆری مینیبووس لە ناوچەی "هشڵی" بۆ سەرئاوی سەرفیروزئاوا" ١٧ کەس بریندار بوون.
ڕۆژی سێشەممە ١٧ی جۆزەردان، هاووڵاتییەکی کورد بە ناوی "شاپوور مورادی" خەڵکی گوندی "تەنگیسەر" سەر بە شاری سنە لەلایەن هێزە ئەمنییەتییەکانەوە دەسبەسەر کرا.
ڕۆژی چوارشەممە ١٨ی جۆزەردان، هاووڵاتییەک بە ناوی "شلێر ئەحمەدی" کچی مستەفا خەڵکی گوندی "قزڵقۆپیـ"ـی شاری مەهاباد، پاش ٨٤ ڕۆژ لە دەسبەسەرکرانی بە دانانی بارمتە لە زیندانی ورمێ ئازاد کرا.
سەرلەبەیانیی ڕۆژی چوارشەممە ١٨ی جۆزەردان، حوکمی لەسێدارەدانی دوو هاووڵاتیی دیکە بە ناوەکانی "خوسرەو تارک" و "کەماڵ بیانیڕاد" لە زیندانی ئیلام جێبەجێ کرا.
ڕۆژی چوارشەممە ١٨ی جۆزەردان، هاووڵاتییەکی کورد بە ناوی "حامید عوسمانی" کوڕی ئیبراهیم خەڵکی گوندی "یاسیناوێ" و دانیشتووی شاری سەردەشت، پاش ٧١ ڕۆژ دەسبەسەری بە شێوەی کاتی لە زیندانی ئەو شارە بە دانانی بارمتە ئازاد کرا.
ڕۆژی سێشەممە ١٧ی جۆزەردان، هاووڵاتییەکی کورد بە ناوی "واحید حەمزە" کوڕی حەسەن خەڵکی "سارۆقامیشـ"ـی شاری بۆکان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی دووشەممە ١٦ی جۆزەردان، "جەلال قادریزاد" خەڵکی شنۆ بۆ جێبەجێکردنی ماوەی زیندانییەکەی ڕەوانەی زیندانی شنۆ کرا.
ئاژانسی هەواڵدەریی کوردپا
