بنەماڵەی ژینا ئەمینی بڕیار بوو سەرلەبەیانیی ڕۆژی شەممە، ١٨ی سەرماوەز، بۆ بەشداریکردن لە ڕێوڕەسمی وەرگرتنی خەڵاتی ساخارۆف لە پارلەمانی ئورووپا، بچنە فەرانسە کە هێزە ئەمنییەتییەکان لە فڕۆکەخانەی خومەینیی تاراندا، پێشیان بە سەفەرەکەیان گرت.
چوار هاووڵاتیی کورد بە ناوەکانی "سلێمان شاروێرانی"، "ئارام شەعبان"، "عەبدولکەریم کاکول" و "فخرەدین پوودات"، لەلایەن لقی یەکی دادگای ئینقلابی ئەم شارەوە بە سەرۆکایەتیی دادوەر "مێهدی ڕەزایی" بە شەش ساڵ و شەش مانگ زیندان مەحکووم کران.
حوکمی زیندانی ئازاد خانچەزەڕ، چالاکی کرێکاری و کۆمەڵایەتیی خەڵکی مەریوان، لە لقی چواری دادگای پێداچوونەوەی پارێزگای سنەدا، پشتڕاست کرایەوە.
ڕۆژی چوارشەممە، ١٥ی سەرماوەز، جووتیار ئەشرەفزادە، هاووڵاتیی خەڵکی پیرانشار، بە مەبەستی جێبەجێکرانی حوکمی زیندانەکەی، ڕەوانەی زیندانی نەغەدە کرا.
ڕۆژی سێشەممە، ١٤ی سەرماوەز، لوقمان پیشیار، هاووڵاتیی خەڵکی بۆکان لەلایەن دادگای ئینقلابی ئەم شارەوە بە سێ ساڵ زیندان مەحکووم کرا.
سەرلەبەیانیی ڕۆژی چوارشەممە، ١٥ی سەرماوەز، حوکمی لەسێدارەدرانی زیندانییەک بە ناوی "کەماڵ ئیلهامی"، تەمەن ٤٣ ساڵ و خەڵکی سەقز، لە زیندانی ناوەندیی ئەم شارە جێبەجێ کرا.
سەرلەبەیانیی ڕۆژی چوارشەممە، ١٥ی سەرماوەز، حوکمی لەسێدارەدرانی دوو زیندانی بە ناوەکانی "سیرووس حەیدەری" و "خالید ڕۆحی"، خەڵکی سنە، لە زیندانی ناوەندیی ئەم شارە جێبەجێ کرا.
سەرلەبەیانیی ڕۆژی سێشەممە، ١٤ی سەرماوەز، حوکمی لەسێدارەدرانی زیندانییەکی دیکە بە ناوی "مەنووچێهر بەرزگەر"، خەڵکی شاری هەرسین، سەر بە پارێزگای کرماشان، لە زیندانی ناوەندیی کەرەج، جێبەجێ کرا.
سەرلەبەیانیی ڕۆژی سێشەممە، ١٤ی سەرماوەز، حوکمی لەسێدارەدرانی زیندانییەک بە ناوی "موجتەبا ئەمیری (دارایی)"، خەڵکی شاری هەرسین سەر بە پارێزگای کرماشان، لە زیندانی ناوەندیی کەرەج، جیبەجێ کرا.
٩ هاووڵاتیی کورد بە ناوەکانی "یەعقووب مەحموودی‌ئازەر"، "خۆشناو عەینی"، "پیرۆت تابناک"، "یووسف ڕەحمانی"، "خزر عەبدوڵڵاهی"، "فەرهەنگ کەرامەت"، "بەهمەن مەحموودی‌ئازەر"، "موحسن عەزیزی" و "عوسمان حەمزەزادە"، خەڵکی شنۆ، لەلایەن لقی یەکی دادگای…
ئاژانسی هەواڵدەریی کوردپا
