ئاژانسی هەواڵدەریی کوردپا، بە مەبەستی هەرچی زیاتر ئاشکرا کردنی پێشێلکاریی مافی مرۆڤ لە ناوچە کوردنشینەکانی ئێران، هەر هەفتە راپۆرتێک لەژێر ناوی ''روانگەی هەفتە'' لەسەر پێشێلکاریی مافی مرۆڤ لە ناوچە کوردنشینەکانی ئیــران، بڵاو دەکاتەوە.
پیشانگەیەکی تایبەت بە هونەری کارێکاتێر کێشی لە شاری سنە لە بەرهەمی ٦ هونەرمەندی کوردی خەلکی ئەو شارە، کرایەوە.
سی کەس لە چالاکانی مەدەنی و سیاسیی کورد بە واژۆ کردنی نامەیەک بۆ سەرکۆماری حکوومەتی ئیسلامیی ئێران، خوازیاری پێداچوونەوە و ئازادیی برایانی کوردپوور بوون.
بەشێکی دیکە لە سروشت و ژینگەی چیای ئاویەر لە شاری سنە بۆ جارێکی دیکە لەلایەن کەسانێکی نەناسراوە ئاگری تێبەر درا.
چالاکێکی سیاسی - مەزهەبیی کورد بۆ جاری دووەم لەلایەن هێـزە ئیتلاعاتییەکانی حکوومەتی ئیسلامیی ئێـرانەوە دەستبەسەر کرا.
ئەندامانی ئەنجومەنی سەوزی چیای مەریوان بە هاوکاریی ژینگەپارێزانی ئەو شارە، ژینگەی یەکێک لە ناوچە گەشتیارییەکانی مەریوانیان لە زبڵ و پاشماوەی گەشتیاران خاوێن کردەوە.
یەکێک لە چیاکانی دەوروبەری شاری جوانڕۆ لەلایەن کەسانێکی نەناسراوەوە ئاگری تێبەردراو لە ئاگردا سووتا.
لە دەیەمن ساڵڤەگەڕی کۆچی دوایی محەممەد هەورازدا، ١٠ تیمی شاخەوانیی شاری نەغەدە بە سەرکەوتن بە چیای "شروێ"ی ئەو شارەدا یادی ئەو شاخەوانە کوردەیان بەرز راگرت.
لە دووشاری مەهاباد و ئیلام پیشانگەی تایبەت بە بەرهەمی وێنەگرانی کورد کرایەوە.
حەفتەی دووەمی مانگی خەرمانانی ١٣٩٢ی هەتاوی
ئاژانسی هەواڵدەریی کوردپا
