ئەمڕۆ دووشەممە ۳۰ی خەزەڵوەر، پێنج هاووڵاتی بە ناوەکانی "تەحسین میری"، "ٚجەوهەر فەتاحی"، "ئیسماعیل گوڵ عەنبەر"، "مەسعوود تەیمووری" و "جەماڵ ئەعزەمی" خەڵکی جوانڕۆ، لە ڕەوتی خۆپێشاندانەکان بەهۆی تەقەی هێزە سەرکوتکەرەکان گیانیان لەدەست دا.
ڕۆژی یەکشەممە ۲۹ی خەزەڵوەر، یەکێک لە بریندارانی خۆپیشاندانەکانی بۆکان بە ناوی "سلێمان شوکری"، کوڕی عوسمان بەهۆی قورسیی برینەکانییەوە لە یەکێک لە نەخۆشخانەکانی ورمێ گیانی لەدەست دا.
ئێوارەی یەکشەممە ۲۹ی خەزەڵوەر، دوو هاووڵاتی بەناوەکانی "عیرفان کاکایی" و "بەهادین وەیسی" کوڕی عەبدوڵڵە خەڵکی جوانڕۆ، بە تەقەی هێزە سەرکوتکەرەکان گیانیان لەدەست دا.
ڕۆژی یەکشەممە ۲۹ی خەزەڵوەر، موحسین نیازی تەمەن ۲٥ ساڵە لە ڕەوتی خۆێشاندانەکانی دێولان، بەتەقەی هێزە سەرکوتکەرەکان گیانی لەدەست دا.
دوو خۆپیشاندەر بە ناوەکانی "تاهیر عەزیزی"، کوڕی سلێمان، تەمەن ۳۰ ساڵ و "کاروان قادرشوکری"، کوڕی ئیدریس و تەمەن ۱٦ ساڵ، بەهۆی تەقەی هێزە سەرکوتکەرەکان گیانیان لەدەست دا.
ئێوارەی ڕۆژی شەممە ۲٨ی خەزەڵوەری ۱۴۰۱، هاووڵاتییەکی بەساڵاچوو بە ناوی "حوسێن عەبدپەنا" لە مەسکەن مێهری شارەک بەهارانی سنە، بە تەقەی هێزە سەرکوتکەرەکانی حکوومەتی ئێران گیانی لەدەستدا.
ڕۆژی شەممە ۲٨ی خەزڵوەری ۱۴۰۱، دوو خۆپێشاندەر بە ناوەکانی "حەبیبوڵڵا فەتحی" و "فواد سواری" کوڕی تۆفیق خەڵکی شاری دیواندەرە، لە ڕەوتی خۆپیشاندانەکاندا بە تەقەی هێزە سەرکوتکەرەکان گیانیان لەدەست دا.
ڕۆژی پێنجشەممە ۲٦ی خەزەڵوەر، لاوێکی کورد بە ناوی "ئومید حەسەنی (حوسێنی)" لە لایەن هێزە سەرکوتکەرەکانەوە دەسبەسەر و لە ژێر ئەشکەنجە گیانی لەدەست دا.
ئێوارەی ڕۆژی هەینی ۲۷ی خەزەڵوەر، خۆپیشاندەرێک بە ناوی "شەهریار محەممەدی" خەڵکی بۆکان، لە ڕەوتی خۆپێشاندانەکاندا و بە تەقەی هێزە سەرکوتکەرەکان، گیانی لەدەست دا.
ئەمڕۆ هەینی ٢٧ی خەزەڵوەر، کەماڵ ئەحمەدپوور، کوڕی تاهیر، خەڵکی مەهاباد لە درێژەی ناڕەزایەتییەکاندا و بە تەقەی هێزە سەرکوتکەرەکان گیانی لەدەست دا.
ئاژانسی هەواڵدەریی کوردپا
