خالید زەمانی، زیندانیی سیاسیی کوردی خەڵکی شاری خۆی کە ماوەی ٣٠ ساڵەی زیندانەکەی لە زیندانی یەزد تێدەپەڕێنێت، بە هۆی دژایەتیی ئیتلاعاتی سپای پاسداران، لە مافی ئازادیی مەرجدار و نێردران بۆ مورەخەسی بێبەری کراوە.
ڕۆژی پێنجشەممە، ١٨ی خەزەڵوەر، سیاوەش حەیاتی، وتەبێژی کۆڕی ڕاوێژی چالاکانی مەدەنیی یارسان و دەبیری بەرەی یەکگرتووی کورد، لە زیندانی دێزڵاوای کرماشانەوە، نێردرایە مورەخەسی.
سەرەڕای تێپەڕبوونی یەک مانگ لە دەسبەسەرکرانی یەدوڵڵا نادری، هاووڵاتیی خەڵکی مەریوان، چارەنووسی ناوبراو ناڕوونە.
ڕۆژی سێشەممە، ١٦ی خەزەڵوەر، کۆڵبەرێک بە ناوی "کەیوان ئیسماعیلپوور"، تەمەن ٢٣ ساڵ و خەڵکی سەردەشت، بە تەقەی هێزە نیزامییەکانی حکوومەت لە سنووری ئەم شارە بریندار بوو.
چاپخانەی "پەنجەرە"، هەڵکەوتوو لە شارەکی سەنعەتیی شاری ساحیب، سەر بە شاری سەقز، بە فەرمانی بەخشداریی زێویە، داخرا.
سەرلەبەیانیی ڕۆژی چوارشەممە، ١٧ی خەزەڵوەر، حوکمی لەسێدارەدرانی زیندانییەک بە ناوی "ئەکبەر فەڕۆخی"، خەڵکی ورمێ، لە زیندانی ناوەندیی ئەم شارە جێبەجێ کرا.
سەرلەبەیانیی ڕۆژی چوارشەممە، ١٧ی خەزەڵوەر، حوکمی لەسێدارەدرانی زیندانییەک بە ناوی "فەرهاد ئاقایی"، خەڵکی گوندی "بەوراوا"، سەر بە شاری ڕوانسەر لە زیندانی دێزڵاوای کرماشان جێبەجێ کرا.
شەوی سێشەممە، ١٦ی خەزەڵوەر، کۆڵبەرێکی کورد بە ناوی "ئازاد سەتارپەنا"، کوڕی مەحموود و ئامێنە، خەڵکی سەقز، بە تەقەی هێزە نیزامییەکانی حکوومەت لە سنووری بانە کوژرا.
شەوی دووشەممە، ١٥ی خەزەڵوەر، سەمیع خەلیلی، کۆڵبەری خەڵکی سەردەشت، بە تەقەی هێزە نیزامییەکانی حکوومەت لە سنووری "هەنگەژاڵ"ی بانە، بریندار بوو.
لە ماوەی ڕۆژانی ڕابردوودا، فەرهەنگ عیووزی، چالاکی مەدەنیی کوردی خەڵکی گوندی "تەنگیسەر"، سەر بە شاری سنە، لەژێر چاوەدێریی پێبەندی ئێلێکترۆنیدا، لە زیندانی ئەم شارە ئازاد کرا.
ئاژانسی هەواڵدەریی کوردپا
