کۆڵبەرێکی دیکەی کورد لە ناوچەی سەلاسی باوەجانی کوژرا - نوێ کرایەوە
17:01 - 12 پووشپەڕ 2713
ئاژانسی کوردپا: لە ئەنجامی تەقەی هێزەکانی هەنگی مەرزیی شێخ سەڵە لە کۆڵبەرانی کوردی ناوچەی سەلاسی باوەجانی، کۆڵبەرێک کوژراو و دوو برای دیکەی ئەو کۆڵبەرە بەتوندی بریندار بوون.
بەپێی هەواڵی گەیشتوو بە ئاژانسی هەواڵدەریی کوردپا، سەرلە بەیانی ئەمڕۆ چوارشەممە رێکەوتی ١٢ی پووشپەڕ کۆڵبەرێکی کورد بەناوی \" نازدار مورادی\" کوڕی عەزیز و خەڵکی شاری \"سەلاسی باوەجانی\"ی سەربە ئوستانی کرماشان لە خاڵی سنووریی ئەو شارە بۆ هەرێمی کوردستان بەتەقەی راستەوخۆی هێزەکانی هەنگی مەرزیی \"شێخ سەڵە\" کوژرا.
ئەو کۆڵبەرە کوردە تەمەنی ٢٨ ساڵ و خێزاندار بووە کە بەهۆی هەژاری و دەستکورتییەوە رووی لە پیشەی پڕ مەترسیی کۆڵبەری کردووە.
دەگوترێت لە ئەنجامی ئەو تەقە کردنەدا دوو برای دیکەی ئەو کۆڵبەرە کوردە بەناوەکانی \"جەلال و رزگار\" بەتوندی بریندار بوون و بۆ چارەسەریی برینەکانیان رەوانەی نەخۆشخانەی کرماشان کراون.
دوابەدوای ئەو رووداوە لەنێوان هاووڵاتییانی ئەو ناوچەیە و هێزەکانی هەنگی مەرزیی \"شێخ سەڵە\" گرژی هاتۆتە ئاراوە و لە ئەنجامدا ماشێنێکی ئەو هیزانە لەلایەن خەڵکەوە تێک شکێندراوە.
بەپێی ئاماری تۆمار کراو لە ناوەدەی ئاماری ئاژانسی کوردپا، لەماوی ٤٠ رۆژی رابردوودا ٩ کۆڵبەری کورد بە تەقەی هێــزە نیـزامییەکان گیانیان لێ ئەستێندراوە و ٨ کۆڵبەری دیکەش بە تەقەی ئەو هێزانە بریندار کراون.
ئەو ئامارە رێژەییەوە بە پشت بەستن بەئاماری ئاژانسی کوردپا بڵاو دەکرێتەوە کە دەکرێ ئاماری راستەقینە لەو رێژەیەش زیاتر بێت.
بەپێی هەواڵی گەیشتوو بە ئاژانسی هەواڵدەریی کوردپا، سەرلە بەیانی ئەمڕۆ چوارشەممە رێکەوتی ١٢ی پووشپەڕ کۆڵبەرێکی کورد بەناوی \" نازدار مورادی\" کوڕی عەزیز و خەڵکی شاری \"سەلاسی باوەجانی\"ی سەربە ئوستانی کرماشان لە خاڵی سنووریی ئەو شارە بۆ هەرێمی کوردستان بەتەقەی راستەوخۆی هێزەکانی هەنگی مەرزیی \"شێخ سەڵە\" کوژرا.
ئەو کۆڵبەرە کوردە تەمەنی ٢٨ ساڵ و خێزاندار بووە کە بەهۆی هەژاری و دەستکورتییەوە رووی لە پیشەی پڕ مەترسیی کۆڵبەری کردووە.
دەگوترێت لە ئەنجامی ئەو تەقە کردنەدا دوو برای دیکەی ئەو کۆڵبەرە کوردە بەناوەکانی \"جەلال و رزگار\" بەتوندی بریندار بوون و بۆ چارەسەریی برینەکانیان رەوانەی نەخۆشخانەی کرماشان کراون.
دوابەدوای ئەو رووداوە لەنێوان هاووڵاتییانی ئەو ناوچەیە و هێزەکانی هەنگی مەرزیی \"شێخ سەڵە\" گرژی هاتۆتە ئاراوە و لە ئەنجامدا ماشێنێکی ئەو هیزانە لەلایەن خەڵکەوە تێک شکێندراوە.
بەپێی ئاماری تۆمار کراو لە ناوەدەی ئاماری ئاژانسی کوردپا، لەماوی ٤٠ رۆژی رابردوودا ٩ کۆڵبەری کورد بە تەقەی هێــزە نیـزامییەکان گیانیان لێ ئەستێندراوە و ٨ کۆڵبەری دیکەش بە تەقەی ئەو هێزانە بریندار کراون.
ئەو ئامارە رێژەییەوە بە پشت بەستن بەئاماری ئاژانسی کوردپا بڵاو دەکرێتەوە کە دەکرێ ئاماری راستەقینە لەو رێژەیەش زیاتر بێت.
