چالاکێکی کرێکاری بە ٢ ساڵ زیندان مەحکووم کرا
19:06 - 12 گەلاوێژ 2720
دادگای ئینقلابی مەریوان چالاکێکی کرێکاری بە ناوی "بەختیار ڕەحیمیـ"ـی بە دوو ساڵ زیندانیی تەعزیری مەحکووم کرد.
دادگا ئەو چالاکە کرێکارییەی بە "هەوڵدان دژی تەناهیی نەتەوەیی و تەبانی دژی نیزام" تۆمەتبار کردووە.
"بەختیار ڕەحیمی"، ڕۆژی چوارشەممە ٦ی سەرماوەزی ٩٨، لە شوێنی کارەکەی خۆی لەلایەن هێزە ئیتلاعاتییەکانەوە دەسبەسەر و ڕۆژی شەممە ٣٠ی سەرماوەزی هەمان ساڵ، بە دانی بارمتە بە شێوەی کاتی ئازاد کرابوو.
ئەو چالاکە کرێکارییە پێشتریش لە مانگی پووشپەڕی ساڵی ٨٦ دەسبەسەر و پاش ١١ مانگ لە دەسبەسەری بە دانانی بارمتە ئازاد کرابوو.
