هاووڵاتییەکی مەریوانی پاش بانگهێشتی بۆ ئیتلاعاتی سپای پاسداران دەسبەسەر کرا
12:22 - 22 جۆزەردان 2720
ڕۆژی دووشەممە ١٩ی جۆزەردان، هاووڵاتییەکی کورد بە ناوی "خیرەت پەروازە" تەمەن ٣٠ ساڵ کوری ڕەحمان خەڵکی گوندی "نێ"ی مەریوان، پاش بانگهێشتی بۆ ئیتلاعاتی سپای پاسداران دەسبەسەر کرا.
بە وتەی سەرچاوەیەکی ئاگادار، ئەو هاووڵاتییە کوردە پاش سەردانی بۆ ئیدارەی ئیتلاعاتی سپای مەریوان دسبەسەر کرا و هیچ زانیارییەک لە چارەنووسی لەبەردەستدا، نییە.
ئەو سەرچاوەیە دەڵێت: "هەتا ئێستا بە دواچوونی بنەماڵەی ئەو هاووڵاتییە بۆ ئاگاداربوون لە چارەنووسی بێئاکام ماوەتەوە".
هەتا کاتی بڵاوبوونەوەی ئەم هەواڵە، لە هۆکاری بانگهێشت و دەسبەسەرکردنی، ئەو هاووڵاتییە، زانیارییەکی ورد لەبەردەستدا، نییە.
