دوو کاسبکاری دیکە لە سنووری سەردەشتدا کوژران

ڕۆژی چوارشەممە ١٢ی خەرمانان، دوو کاسبکاری دیکەی کورد بە ناوەکانی "سرووش مەکاری" و "زانکۆ ئەحمەدی" خەڵکی سەردەشت، بە تەقەی هێزە نیزامییەکانی حکوومەتی ئێران لە سنووری "قەلە ڕەشە"ی ئەو شارە گیانیان لەدەست دا.

ئەو دوو کاسبکارە کوردە لەگەڵ "زانست حەسەن ‌نژاد" تەقەیان لێکراوە و لەو ڕووداوەدا هەر سێ کاسبکارەکە گیانیان لەدەست داوە.

ئەو ژمارە لە کاسبکارانی کورد لە شوێنێک بە ناوی "باژار" کەوتوونەتە بۆسەی هێزە نیزامییەکانی حکوومەت و تووشی ئەو ڕووداوە بوونە.

هێزە نیزامییەکانی حکوومەت بەبێ ئاگادارکردنەوەی پێشوو تەقەیان لەو کاسبکارانە کردووە.