داهاتی بەرهەمێكی سینەمایی تەرخانی قوربانیانی شیناوێ دەکرێت
17:49 - 2 رەزبەر 2713
ئاژانسی كوردپا: داهاتی نمایش کردنی فیلمی سینەمایی \"خۆشەویستی\" لەدەرهێنەریی سینەماكارێكی نەغەدەیی تەرخانی قوتابیانی قوتابخانەی شیناوێ دەکرێت.
بەپێی هەواڵی گەیشتوو بە ئاژانسی هەواڵدەریی كوردپا، فیلمی سینەمایی خۆشەویستی رۆژانی ٧، ٨ و ٩ی رەزبەر بە زمانی كوردی لەشاری پیرانشار دەچێتە سەر پەردەی سینەما.
ئومید مستەفاپوور و رەحیم دانێش ئامووز دەرهێنەر و نووسەری ئەو بەرهەمە سینەماییە، داهاتی نمایش کردنی فیلمەکەیان لە پیرانشار پێشكەش بە کچە قوتابیانی شیناوێ کرد.
لەو فیلمەدا ١٢ ئەكتەری شاری نەغەدە رۆڵ دەبینن و بڕیارە لە رۆژانی دیاری كراودا لە موجتەمەع فەرهەنگی شاری پیرانشار نمایش بكرێت.
مانگی سەرماوەزی ساڵی١٣٩١ی هەتاوی ٣٧ كچە قوتابیی قۆناغی سەرەتایی بە هۆی گڕ گرتنی سۆبەی پۆلەكەیان لە قوتابخانەی گوندی شیناوێ پیرانشار، سووتان و دوو كەس لەو قوتابییانە گیانیان لەدەست دا.
دوارتریش رێكەوتی ٩ی بەفرانباری هەمان ساڵ، ٦ قوتابیی كچی رووداوی ئاگركەوتنەوەكەی قوتابخانەی شیناوێ‌بەهۆی خراپیی باری تەندروستیان رەوانەی شاری ئیسفەهان كران و دواتریش قامكی دەستی یەك كەسیان بڕدراوە.
بەپێی هەواڵی گەیشتوو بە ئاژانسی هەواڵدەریی كوردپا، فیلمی سینەمایی خۆشەویستی رۆژانی ٧، ٨ و ٩ی رەزبەر بە زمانی كوردی لەشاری پیرانشار دەچێتە سەر پەردەی سینەما.
ئومید مستەفاپوور و رەحیم دانێش ئامووز دەرهێنەر و نووسەری ئەو بەرهەمە سینەماییە، داهاتی نمایش کردنی فیلمەکەیان لە پیرانشار پێشكەش بە کچە قوتابیانی شیناوێ کرد.
لەو فیلمەدا ١٢ ئەكتەری شاری نەغەدە رۆڵ دەبینن و بڕیارە لە رۆژانی دیاری كراودا لە موجتەمەع فەرهەنگی شاری پیرانشار نمایش بكرێت.
مانگی سەرماوەزی ساڵی١٣٩١ی هەتاوی ٣٧ كچە قوتابیی قۆناغی سەرەتایی بە هۆی گڕ گرتنی سۆبەی پۆلەكەیان لە قوتابخانەی گوندی شیناوێ پیرانشار، سووتان و دوو كەس لەو قوتابییانە گیانیان لەدەست دا.
دوارتریش رێكەوتی ٩ی بەفرانباری هەمان ساڵ، ٦ قوتابیی كچی رووداوی ئاگركەوتنەوەكەی قوتابخانەی شیناوێ‌بەهۆی خراپیی باری تەندروستیان رەوانەی شاری ئیسفەهان كران و دواتریش قامكی دەستی یەك كەسیان بڕدراوە.
