تەقینەوەی مین لە مێهران چوار کوژراو و برینداری لێکەوتەوە
11:15 - 28 پووشپەڕ 2720
ڕۆژی هەینی ٢٧ی پووشپەڕ، سێ هاووڵاتی بە ناوەکانی "هادی ئومیدی، سەلیم تاراس و چراغ عەبدی" بەهۆی تەقینەوەی مین گیانیان لەدەست دا و هاووڵاتییەکی دیکە بە ناوی "مێهدی ئومیدی" بریندار بوو.
فەرمانداری شاری مێهران لەو بارەیەوە ڕایگەیاند: "ئەو چوار هاووڵاتییە لە ناوچەی کەلات قەندی تووشی ئەو ڕووداوە بوون".
برینداربووی ئەو ڕووداوە، ڕەوانەی نەخۆشخانەی "ئیمام حوسێن" لە شاری مێهران کراوە و لەژێر چاوەدێریی پزیشکیدایە.
ئەو چوار هاووڵاتییە خەڵکی شارەکی "ئیسلامییە"ی شاری مێهرانن.
شاری مێهران لە ٢٢٨ کیلۆمیتریی باشووری شاری ئیلام هەڵکەوتووە.
