كاسبكاران و كوڵبەرانی ناوچەی سەردەشت درانە بەر دەستڕێژ

كوردپا: هێزە ئینتزامییەكانی حكوومەتی ئیسلامیی ئێران لە ناوچەی سەردەشت كوڵبەران و كاسبكارانیان دایە بەر دەستڕێژی گوللە.

بەپێی هەواڵی هەواڵنێری ئاژانسی هەواڵدەریی كوردپا لە سەردەشت، كاسبكاران و كۆڵبەرانی گوندی \"دولكان و مێرگاسێ‌\"ی ناوچەی ئالانی سەردەشت لەلایەن هێزە ئینتزامییەكانەوە دەستڕێژیان كراوەتە سەر.

لە ئەنجامی ئەو دەستڕێژییەدا سێ‌ ئەسبی بارهەڵگری كاسبكاران بە كوشت چوون.

بە وتەی شایەتحاڵان سەرجەم كەلوپەلی كاسبكاران و كوڵبەران لەلایەن هێزە ئەمنییەتییەكانەوە لە ئەنجامی ئەو هێرشەدا سووتێنراون.