مەهاباد؛ دەسبەسەرکرانی هاووڵاتییەک لەلایەن هێزە ئەمنییەتییەکانەوە
23:08 - 21 رێبەندان 2723
ڕۆژی سێشەممە، ١٧ی ڕێبەندان، هاووڵاتییەکی کورد بە ناوی "سۆران پاچیدە"، کوڕی محەممەد، خەڵکی گوندی "قەباغکەندی"، سەر بە شاری مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی ئەم هاووڵاتییە تەمەن ٣١ ساڵەیان دەسبەسەر کردووە.
ئەم سەرچاوە ئاگادارە ڕایگەیاند: تاکوو ئێستا بەدواداچوونی بنەماڵەی ئەم هاووڵاتییە بۆ ئاگاداربوونەوە لە چارەنووسی کوڕەکەیان بێئاکام بووە.
تا کاتی بڵاوبووەنەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی سۆران پاچیدە، زانیارییەک لەبەر دەستدا نییە.
