كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی هەینی ١٤ی خەرمانان، دوو هاووڵاتیی کورد بە ناوەکانی "سلێمان کەریمپوور و خالید محەممەدزادە ئەقەدەم" خەڵکی گوندی "خوڕخوڕە"ی شاری مەهاباد، لەلایەن هێزە ئەمنییەتییەکانەوە دەسبەسەر کران.
ڕۆژی دووشەممە ١٠ی خەرمانان، هاووڵاتییەکی کورد بە ناوی "بایەزید قادری چووپان" دانیشتووی نەغەدە و خەڵکی گوندی "سنجلە" سەر بە بەخشی لاجانی پیرانشار، لەلایەن هێزە ئەمنییەتییەکانەوە دەسبەسەر کرا.
کۆمەڵەی مافی مرۆڤی کوردستان - ژنێف، پێشوازیی لە ڕاپۆرتی نوێی "جاوید ڕەحمان"، ڕێپۆتێری تایبەتی مافی مرۆڤی ڕێکخراوی نەتەوەیەکگرتووەکان لە کاروباری ئێران لەمەڕ بارودۆخی مافی مرۆڤ لە ئێراندا کرد.
ڕۆژی هەینی ١٤ی خەرمانان، کرێکارێک بە ناوی "شەریف ناسرئابادی" خەڵکی گوندی "بڵواناوا"ی دێولان، بەهۆی ڕووخانی دیوار لە کاتی کارکردندا گیانی لەدەست دا.
ڕۆژی پێنجشەممە ١٣ی خەرمانان، ئەندامێکی سپای پاسداران بە ناوی "هوشیار ئەردەڵان" خەڵکی قوروە، بەهۆی تەقینەوەی مین لە مەریوان کوژرا.
پاشنێوەڕۆی ڕۆژی هەینی ١٤ی خەرمانان، بەهۆی تەقینەوەی کەپسوولی ٨٠٠ کیلۆیی گازی کۆلۆر لە گوندی "زەنجیرەی سەرەوە"ی شاری چڕداوڵ سەر بە پارێزگای ئیلام، ٢١٧ کەس بریندار بوون.
لە چارەنووسی هاووڵاتییەکی کوردی دەسبەسەرکراو بە ناوی "مێعراج مورتزایی" کوڕی "سابیر"، تەمەن ٣٥ ساڵ و خەڵکی گوندی "دێوەزناو" سەر بە شاری سەوڵاوا، پاش ٣٦ ڕۆژ لە دەسبەسەرکرانی هیچ زانیارییەک لەبەر دەستدا نییە.
فەرماندەی سنوورپارێزەکانی پارێزگای ورمێ، باسی لە کوژرانی سێ کەس لە بەرزاییەکانی شاری سەردەشت لە ناوچەی قەدەغەکراو کرد و ئەو سێ کاسبکارە کوردی بە سنووربەزێن ناوزەد کرد.
ڕۆژی سێشەممە ١١ی خەرمانان، هاووڵاتییەکی کورد بە ناوی "مەنسوور ئەڵماسی" خەڵکی بۆکان، بە دانانی بارمتەی ٥٠٠ ملیۆن تەمەنی بە شێوەی کاتی لە زیندانی ورمێ ئازاد کرا.
ڕاپۆرتێک لەژێر ناوی "تێکڕووخانی مرۆڤ"
ئاژانسی هەواڵدەریی کوردپا
