كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
فەرماندەی سنوورپاڕێزەکانی ئێران و تورکیە لە ڤیدیۆ کۆنفڕانسێکدا، باسیان لە زیاتر پاراستنی سنوورەکانی نێوان دوو وڵات کرد و هاودەنگ بوون و پێداگرییان لە سەر بەربەرەکانێ لەگەڵ حیزبە کوردییەکانی دژبەری ئەو دوو وڵاتە کردەوە.
"فەریدە وەیسی" و "سیروس عەباسی" لە لایەن لقی ١ی دادگای ئینقلابی سنە، بە دوو ساڵ زیندانیی تەعلیقی مەحکووم کران و "ئازاد عەباسی" لە تۆمەتەوەپاڵدراوەکانی بێتاوان ناسرا.
ئەمڕۆ چوارشەممە ٢٤ی بەفرانبار، سێ ئەندامی بنەماڵەیەک بە ناوەکانی "عەبدوڵڵا حاجی ئەحمەدی، پەیمان حاجی ئەحمەدی، کوڕی عەبدوڵڵا و گەلاوێژ عەبدوڵڵاهی دەزگیرانی پەیمان" خەڵکی شاری نەغەدە لە لایەن هێزە ئەمنییەتییەکانەوە دەسبەسەر کران.
دوو هاووڵاتیی کورد بە ناوەکانی "ئارام مورادیان و کامیل نووری" خەڵکی گوندی "تەنگیسەر" سەر بە شاری سنە، بانگهێشتی ئیدارەی ئیتلاعاتی ئەو شارە کران و لێپرسینەوەیان لەگەڵ کرا.
کۆڵبەرێکی کورد بە ناوی "حەمزە مەقرووزی" خەڵکی شاری "نۆدشە"ی پاوە، لە کاتی کۆڵبەری بەهۆی قورسیی کۆڵەکەی، چاوێک و دەست و لاقی ڕاستی لەدەست داوە.
ڕۆژی سێشەممە ٢٣ی بەفرانبار، دوو هاووڵاتیی کورد بە ناوەکانی "ئەکرەم ئەدوایی" تەمەن ٣١ ساڵ و "سیامەک ئەدوایی" تەمەن ٢٤ ساڵ، خەڵکی گوندی "سلێن" سەر بە شاری سەوڵاوا، لەلایەن هێزە ئەمنییەتییەکانەوە دەسبەسەر کراون و بۆ شوێنێکی نادیار ڕاگوێزراون.
هاووڵاتییەکی کورد بە ناوی "ئارام یووسفی"، تەمەن ٣٠ ساڵە، کوڕی "محەممەد" و خەڵکی "سنە" پاش بانگهێشتکردنی بۆ ئیدارەی ئیتلاعات دەسبەسەر کرا.
ڕۆژی یەکشەممە ڕێکەوتی ٢١ی بەفرانبار، هاووڵاتییەکی کورد بە ناوی "جەبار پیرووزی"، خەڵکی مەریوان لەلایەن هێزە ئەمنییەتییەکانە دەسبەسەر کرا.
ڕۆژی دووشەممە ٢٢ی بەفرانبار، هاووڵاتییەکی کورد بە ناوی "ئەمیر ڕەزایی" تەمەن ٢٥ ساڵ و خەڵکی شاری سنە بۆ ئیدارەی ئیتلاعاتی ئەو شارە بانگهێشت و لێپرسینەوەی لەگەڵ کرا.
ئەمڕۆ سێشەممە ٢٣ی بەفرانبار، "جەوانمیر مورادی"، چالاکی کرێکاری و خەڵکی شاری "کرماشان"، بە دانانی بارمتەی ٣٠٠ ملیۆن تمەنی بە شێوەی کاتی لە زیندانی "دێزڵئاوا" ئازاد کرا.
ئاژانسی هەواڵدەریی کوردپا
