ڕۆژی شەممە، ٥ی ڕێبەندان، هاووڵاتییەکی کوردی خەڵکی گوندی گوێزەکوێرەی مەریوان و دانیشتووی ئەو شارە، بە ناوی "عوسمان دڵاویز"، تەمەن ٣٠ ساڵ، پاش بانگهێشتکردنی بۆ ستادی خەبەریی ئیدارەی ئیتلاعاتی مەریوان، دەسبەسەر کراوە.
ڕۆژی یەکشەممە ٦ی ڕێبەندان، دوو کۆڵبەری کورد بە ناوەکانی "عەلی هادیزادە" تەمەن ٢٢ ساڵ و کوڕی بەشار هەروەها "حوسێن هادیزادە" تەمەن ٢٩ ساڵ کوڕی جەمیل، لە لایەن هێزەکانی ئەرتەشی تورکییەوە، تەقەیان لێکراوە و بە سەختی پێکراون.
ڕۆژی دووشەممە، ٧ی ڕێبەندان، تەرمی پەناخوازێکی کورد بە ناوی "چنوور یووسفی" خەڵکی سنە، لەلایەن چەند ڕاوکەرێکی ماسییەوە لە قەراخی "کنیالتی شاری ئانتالیا" دۆزرایەوە.
بارودۆخی تەندروستیی زیندانییەکی سیاسیی کورد بە ناوی "سیامەک ئەشرەفی" خەڵکی گوندی "وەلەند" سەر بە بەخشی ناوەندیی شاری ورمێ نالەبار ڕاگەیەندراوە. ناوبراو بۆ ناڕەزایەتی دەربڕین سەبارەت بە داخوازیی ئازادیی بێمەرەج و بێڕێزیکردنی فەرمانبەرانی لقی…
دادگای ئینقلابی جوانڕۆ، حوکمی ٤ ساڵ زیندانیی بەسەر "عەبدوڵڵا ئەحمەدی" کوڕی "فەیزوڵڵا"دا سەپاند. ناوبراو ٢٨ ساڵ تەمەنیەتی و خەڵکی شاری سەلاسی باوەجانییە.
ڕۆژی چوارشەممە، ٩ی ڕێبەندان، زیندانییەک بە ناوی "حوسێن ئیبراهیمی" کە بە تۆمەتی کوشتنی بەئەنقەست لە زینداندا بوو، پاش وەرگرتنی ڕەزامەندی لەلایەن بنەماڵەی کوژراوەکەوە لە زیندانی نەغەدە لە پەتی سێدارە ڕزگاری بوو.
ڕۆژی چوارشەممە، ٩ی ڕێبەندان، کرێکارێکی کورد بە ناوی "سینا عەلیڕەمایی" کوڕی "نیشتمان"، خەڵکی گوندی "بێساران" سەر بە ناوچەی ژاوەرۆی سنە، بەهۆی ڕووداوی کار لە شاری ئامۆلی باکووری ئێران، گیانی لەدەست دا.
ڕۆژی یەکشەممە، ٦ی ڕێبەندان، کچێکی لاو بە ناوی "ساوین مەحموودیان ڕاد" کچی "عەبدوڵڵا"، تەمەن ٢٣ ساڵ و خەڵکی گوندی "مەزناوێـ"ـی سەردەشت، پاش لێپرسینەوەکەی بۆ زیندانی مەهاباد ڕاگوێزرا.
ڕۆژی چوارشەممە، ٩ی بەفرانبار، کاسبکارێکی کورد بە ناوی "م.ت"، تەمەن ٣٨ ساڵ، خەڵکی سنە، بەهۆی کێشەی ماڵییەوە، کۆتایی بە ژیانی خۆی هێنا.
ڕۆژی سێشەممە، ٨ی ڕێبەندان، هێزە ئیتلاعاتییەکان لاوێکی یارسانییان بە ناوی "سابیر محەممەدی" دەسبەسەر و ناوبراویان بۆ شوێنێکی نادیار ڕاگواست.
ئاژانسی هەواڵدەریی کوردپا
