ڕۆژی سێشەممە ٢١ی گەلاوێژ، کۆڵبەرێک بە ناوی "ڕەزا عەبدوڵڵاهی" خەڵکی گوندی "تاوەگوزی" سەر بە شاری سەلاسی باوەجانی، لەلایەن هێزە نیزامییەکانی حکوومەتەوە، لە سنووری نەوسوود ئازار و ئەشکەنجە درا.
چارەنووسی هاووڵاتییەکی کورد بە ناوی "خدر عەزیزی" خەڵکی گوندی "بێورانی خوارێـ"ـی بەخشی ناوەندی شاری سەردەشت، پاش دەسبەسەرکرانی لەلایەن هێزە ئەمنییەتییەکانەوە، ناڕوونە.
ڕۆژی سێشەممە ٢١ی گەلاوێژ، ژنێکی کرێکاری کورد بە ناوی "سەمانە کەرەمی" تەمەن ٢٧ ساڵ، خەڵکی گوندی "زەردە"ی شاری داڵاهۆ، لە کاتی کارکردن لە بینایەکی نیوەکارەدا، بەهۆی بەربوونەوەی باڵابەر بەسەریدا، بەسەختی بریندار بوو.
ڕۆژی سێشەممە ٢١ی گەلاوێژ، هونەرمەندێکی کورد بە ناوی "عەبدوڵڵا چاوشی" خەڵکی گوندی "حاجی لەک" سەر بە چۆمی "مەجیدخان" لە بوکان، بە دانانی بارمتەی ١٠٠ ملیۆن تمەنی لە زیندانی ئەو شارە ئازاد کرا.
ڕۆژی سێشەممە ٢١ی گەلاوێژ، هاووڵاتییەکی کورد بە ناوی "فواد محەممەدپوور" خەڵکی گوندی "ئاڵیکەند"ی بۆکان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سەرلەبەیانیی ئەمڕۆ سێشەممە ٢١ی گەلاوێژ، حوکمی لەسێدارەدانی زیندانییەک بە ناوی "فایەق ئەحمەدی" تەمەن ٣٩ ساڵ، بە تۆمەتی "قەتڵ" لە زیندانی سنە جێبەجێ کرا.
ڕۆژی دووشەممە ١٣ی گەلاوێژ، چالاکێکی مەدەنیی کورد بە ناوی "فەرزاد حوسێنی" خەڵکی کامیاران، پاش سەردانی بۆ لقی ١ی دادگای ئینقلابی سنە، لەسەر بڕیاری دادوەر "سەعیدی" دەسبەسەر کرا.
لە ڕۆژانی ڕابردوودا هاووڵاتییەکی کورد بە ناوی "سەیوان ئیبراهیمی" کوڕی "عەبدوڵڵا"، تەمەن ٢٩ ساڵ و خەڵکی گوندی "دزڵیـ"ـی سەر بە شاری مەریوان، لە ترسی دووبارە دەسبەسەرکرانی لەلایەن هێزەکانی ئیتلاعاتی سپای پاسدارانی مەریوانەوە، خۆی حەشار داوە.
ڕۆژی دووشەممە ٢٠ی گەلاوێژ، کرێکارێکی سەقزی بە ناوی "سەلاحەدین عەلی زادە" لە کاتی کارکردندا تووشی ڕووداوی کار بوو و گیانی لەدەست دا.
ڕۆژی دووشەممە ٢٠ی گەلاوێژ، کۆڵبەرێکی کورد بە ناوی "ئارمین ئەحمەدی" تەمەن ١٧ ساڵ و خەڵکی مەریوان، بە تەقەی هێزە نیزامییەکانی حکوومەت پێکرا.
ئاژانسی هەواڵدەریی کوردپا
