لە ماوەی چەند ڕۆژی ڕابردوودا، لە وەرزی پاییز، کرێکارێکی کورد بە ناوی "محەممەدسەلیم لوتفی" خەڵکی گوندی "دەرەبەیانـ"ـی شاری پاوە، لە کاتی گوێز تەکاندن، بەهۆی بەربوونەوە، بە سەختی بریندار بوو.
بەپێی ئاماری تۆمارکراو لە ناوەندیی ئاماریی ڕێکخراوی مافی مرۆڤیی کوردپا، لە ماوەی ٦ مانگی یەکەمی ساڵی ١٣٩٩دا، سەرجەم ٢٥٢ هاووڵاتی لە کوردستانی ئێران دەسبەسەر کراون.
ڕۆژی چوارشەممە ٢ی ڕەزبەر، لاوێکی کورد بە ناوی "کەیوان قادرپوور" کوڕی مەجید خەڵکی گوندی "ماڵتە"ی شاری بانە، بە تەقەی هێزە نیزامییەکانی حکوومەتی لە گوندی "چۆمان" پێکرا.
ڕۆژی پێنجشەممە ٢٧ی خەرمانان، سپای پاسداران لە کاتی ڕاودوونانی ماشینی هاووڵاتییەکی کورد، بە چەکی ئارپیچی تەقەی لەو ماشینە کردووە و لە ئاکامدا، چوار کەس گیانیان لەدەست دا.
ڕێکخراوی لێبوردنی نێونەتەوەیی لە بانگەوازێکدا، ڕایگەیاندووە حەیدەر قوربانی، زیندانیی سیاسیی کوردی مەحکووم بە ئێعدام، لە ئەگەری ئێعدام دایە و داوای لە بەرپرسی هێزی دادوەریی کردووە کە دەبێت دەسبەجێ بڕیاری جێبەجێکردنی حوکمی ئێعدامی ئەو…
کرێکارێکی کورد خەڵکی شاری سەقز بە ناوی "یاسین ئەمیرخانی"، بە هۆی ڕووداوی کار لە شاری سلێمانی لە هەرێمی کوردستان، گیانی لەدەست دا.
ئەمڕۆ سێشەممە ١ی ڕەزبەر، هاووڵاتییەکی کورد بە ناوی "باپیرە بەرزە" کوڕی "عوسمان" خەڵکی گوندی "چیانە"ی شاری پیرانشار، بۆ تێپەڕاندنی ماوەی زیندانییەکەی خۆی بە زیندانی نەغەدە ناساند.
بەپێی ئاماری تۆمارکراو لە ناوەندی ئاماری ڕێکخراوی مافی مرۆڤیی کوردپا، لە ماوەی ٦ مانگی یەکەمی ساڵی ١٣٩٩، بە گشتیی ٦٧ هاووڵاتیی کورد سەرجەم بە تۆمەتی "ئەمنییەتی" لەلایەن دەزگای قەزایی حکوومەتی ئیسلامیی ئێران، بە زیندان و سزای دیکە مەحکووم…
ئێوارەی ڕۆژی دووشەممە ٣١ی خەرمانان، هێزە نیزامییەکانی حکوومەتی ئێران تەقەیان لە ژمارەیەک لە کۆڵبەران لە سنووری نەوسوود کرد کە بوو بەهۆی برینداربوونی چوار کۆڵبەر.
"موژگان کاووسی" نووسەر و لێکۆڵەری کوردی یارسانی، لە گرتووخانەی ئێڤین، پێویستی بە نەشتەرگەریی هموروئید هەیە و بەرپرسانی ئەو زیندانییە بۆ نەشتەرگەریی ئەو نووسەرە کوردە هیچ هەنگاوێکیان هەڵنەگرتووە.
ئاژانسی هەواڵدەریی کوردپا
