ڕۆژی شەممە ١٢ی ڕەزبەر، دوو دەروێشی گونابادی بە ناوەکانی "ئەمین عەلیزادە تەمەن ٣١ ساڵ و تەقی مورادی تەمەن ٣٦ ساڵ"، دانیشتووی شاری ئابدانانی پارێزگای ئیلام، لەلایەن هێزە ئەمنییەتییەکانەوە دەسبەسەر کران و بۆ زیندانی ئیلام ڕاگوێزران.
فەرماندەی هەنگی سنووریی حکوومەتی ئێران لە پاوە، باسی لە دەسبەسەرداگرتنی ١٠٨ سەڕ مەڕوماڵاتی کاسبکاران لەلایەن مەئموورانی سنوورپارێزی لە سنووری ئەو شارە کرد.
ڕۆژی یەکشەممە ١٣ی ڕەزبەر، مامۆستایەکی ئایینیی کورد بە ناوی "مامۆستا شێخ محەممەد ئیبراهیمی" خەڵکی مەریوان، بانگهێشتی ئیدارەی ئیتلاعاتی سپای پاسداران لەو شارە کرا و لێپرسینەوەی لەگەڵ کرا.
ڕۆژی یەکشەممە ١٣ی ڕەزبەر، هاووڵاتییەکی کورد بە ناوی "ئەرکان عەلیزادە" تەمەن ٢٢ ساڵ و خەڵکی ورمێ، بە دانانی بارمتە هەتا کاتی دادگاییەکەی لە زیندانی ئەو شارە ئازاد کرا.
ڕۆژی یەکشەممە ١٣ی ڕەزبەر، زیندانییەکی سیاسیی کورد بە ناوی "عادڵ موكەڕەم" خەڵکی ورمێ، بە نیشانەی ناڕەزایەتی بە ناڕوونیی چارەنووسی لە زیندان، بە دوورینی لێوەکانی مانی گرت. ئەو زیندانییە پاش مانگرتنەکەی ڕەوانەی ژووری تاکەکەسیی زیندانی ورمێ…
ڕۆژی یەکشەممە ١٣ی ڕەزبەر، مامۆستایەکی ئایینیی کورد بە ناوی "مامۆستا ڕەسوڵ حەمزەپوور" خەڵکی گوندی "خراپە"ی شاری پیرانشار و پێشنوێژی هەینیی گوندی "ئەندێزێـ"ـی بەخشی لاجانی پیرانشار لەلایەن هێزە ئەمنییەتییەکانەوە دەسبەسەر کرا.
لە ماوەی ڕۆژانی ڕابردوودا، هاووڵاتییەکی کورد بە ناوی "ڕۆستەم ئیبراهیمی" تەمەن ٤٠ ساڵ کوڕی عەلی خەڵکی گوندی "تەختی زەنگیـ"ـی شاری کامیاران، لەلایەن هێزە ئەمنییەتییەکانەوە، دەسبەسەر کراوە.
لە ماوەی ڕۆژانی ڕابردوودا، دوو هاووڵاتیی کورد بە ناوەکانی "کەیهان شیرینی" کوڕی "ئەداک" و تەمەن ٢١ ساڵ و "بەهرام قاسمی" کوڕی "ساڵح" تەمەن ٣٥ ساڵ و خەڵکی گوندی "مێراو"ی ناوچەی ژاوەرۆی سنە، لەلایەن هێزە ئەمنییەتییەکانەوە دەسبەسەر کران.
لە ماوەی ڕۆژانی ڕابردوودا هاووڵاتییەکی کورد بە ناوی "شەهریار پوورعەلی" کوڕی "ئیسفەندیار" خەڵکی "دزە"ی ناوچەی مەرگەوەڕی ورمێ، لەلایەن هێزە ئەمنییەتییەکانەوە دەسبەسەر کرا.
لە بەشێکی بەیاننامەی ئەنجومەنی سێنفیی مامۆستایانی کوردستان/ سەقز_ زیویەدا، هاتووە: "هەوێنی پەرەپێدانی بەردەوام لە هەر وڵاتێکدا، نیزامی پەروەردە و بارهێنانە و مامۆستا یەکێک لە سەرەکیترین ناوەندەکانی پەروەردەکردنی مرۆڤ بە ئەژمار دێت،…
ئاژانسی هەواڵدەریی کوردپا
