ڕۆژی دووشەممە ١٢ی خەزەڵوەر، هاووڵاتییەکی کورد بە ناوی "فەرمان حەیدەرنژاد" کوڕی "عەلی"، تەمەن ٤٢ ساڵ و خەڵکی گوندی "دێوەزناو"ی سەوڵاوا، پاش بانگهێشتکردنی بۆ ئیدارەی ئیتلاعاتی ئەو شارە، دەسبەسەر کرا.
ڕۆژی دووشەممە ١٢ی خەزەڵوەر، کۆڵبەرێکی کورد بە ناوی "سیاوەش کورە سوننی" خەڵکی گوندی "ڕاویانـ"ـی بەخشی قوتووری شاری خۆی، بە تەقەی هێزە نیزامییەکانی حکوومەتی گیانی لەدەستدا.
ئێوارەی ڕۆژی یەکشەممە ١١ی خەزەڵوەر، کۆڵبەرێکی کورد بە ناوی "لوقمان ڕەحیمی" خەڵکی شاری "بانەوڕێـ"ـی شاری پاوە، بەهۆی تەقینەوەی مین لە سنووری شووشمێی نەوسوود بریندار و کەمئەندام بوو.
سەر لەبەیانی ڕۆژی یەکشەممە ١١ی خەزەڵوەر، دوو هاووڵاتیی کورد بە ناوەکانی "سامان ئەسەد حەکیم و محەممەد شەفیع‌زادە" خەڵکی گوندی "دێوەزناو" سەر بە شاری سەوڵاوا، لەلایەن هێزە ئەمنییەتییەکانەوە، دەسبەسەر کران.
حەیدەر قوربانی، کرێکاری بیناسازی خەڵکی شاری کامیاران، بانگهێشتی لقی ١٠١ی دادگای کەیفەریی ٢ی شاری قودس کرا.
ئەمڕۆ یەکشەممە ١١ی خەزەڵوەر، ڕێوڕەسمی ڕەوانەکردنی تەرمی جەلال مەلەکشا، شاعیری نەتەوەیی کورد خەڵکی شاری سنە، لە کەشێکی توندی ئەمنییەتیدا بەڕێوەچوو.
چارەنووسی مێرمنداڵێکی کورد بە ناوی "سینا نیک‌پێی" تەمەن ١٦ ساڵ کوڕی کامران خەڵکی گوندی "نێـ"ـی مەریوان، پاش پێنج ڕۆژ لە دەسبەسەرکرانی، ناڕوونە.
ڕۆژی شەممە ١٠ی خەزەڵوەر، ئەندامێکی گرووپی شاخەوانیی "هەڵۆ"ی سەقز بە ناوی "فایەق یووسفی"، بۆ تێپەڕاندنی ماوەی زیندانییەکەی خۆی بە زیندانی سەقز ناساند.
ڕۆژی شەممە ١٠ی خەزەڵوەر، ژنێکی کورد خەڵکی جوانڕۆ، بەهۆی ئیزننەدانی شارەداری بۆ دروستکردنی خانووبەرە، ئاگری لە جەستەی خۆی بەرداوە.
ڕۆژی شەممە ١٠ی خەزەڵوەر، جەلال مه‌له‌كشا شاعیرێکی بەناوبانگی کورد، لە تەمەنی ٦٩ ساڵیدا، بەهۆی جەڵتەی دڵ لە شاری سنە، کۆچی دوایی کرد.
ئاژانسی هەواڵدەریی کوردپا
