هاووڵاتییەکی کورد بە ناوی "مەهدی پارسەنگ" کوڕی "حەیدەر"، تەمەن ٣٠ ساڵ و خەڵکی شاری سەرپێڵیزەهاو سەر بە پارێزگای کرماشان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی چوارشەممە ٢٦ی خەزەڵوەر، هاووڵاتییەکی کورد بە ناوی "زاگرۆس ڕەشیدی" کوڕی "سەعید" و خەڵکی گوندی "چۆمان" سەر بە شاری بانە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی چوارشەممە ٢٦ی خەزەڵوەر، لاوێکی تەمەن ١٨ ساڵ، بە ناوی "سرووش ڕەحمانی"، کوڕی فاروق و خەڵکی گوندی "هانەگەرمەڵە" سەر بە بەخشی نەوسوودی شاری پاوە، کۆتایی بە ژیانی خۆی هێنا.
ڕۆژی پێنجشەممە ۲۷ی خەزەڵوەر، دوو هاووڵاتیی کورد بە ناوەکانی "مۆحسێن سلێمانی"، کوڕی قادر و "دیار سلێمانپوور"، کوڕی خزر و خەڵکی گوندی "خوڕخوڕە" سەر بە مەهاباد، بە دانانی بارمتە لە زیندانی ئەو شارە ئازاد کران.
ڕۆژی چوارشەممە ۲٦ی خەزەڵوەر، چالاکێکی ژینگەیی بە ناوی "جەهانگیر ساغەرنیا"، تەمەن ۳۳ ساڵ و ئەندامی ڕێکخراوەی ژینگەپارێزانی پیرانشار، لەلایەن هێزە ئەمنییەتییەکانەوە دەسبەسەر کرا.
ڕۆژی چوارشەممە ٢٦ی خەزەڵوەر، دوو هاووڵاتیی کورد بە ناوەکانی "فاروق سلێمانپوور" کوڕی سلێمان و "مەسعوود سلێمانپوور" کوڕی سەلیم، خەڵکی گوندی "خوڕخوڕە" سەر بە مەهاباد، بە دانانی بارمتە لە زیندانی ئەو شارە ئازاد کران.
ڕۆژی سێشەممە ٢٥ی خەزەڵوەر، وێنەگرێکی کورد بە ناوی "ئیبراهیم عەلیپوور" خەڵکی شاری بانە، لەلایەن هێزەکانی تاڵیبان لە وڵاتی ئەفغانستان دەسبەسەر کرا.
هاووڵاتییەکی کورد بە ناوی "چیا ئاغابەیگ پوور"، کوڕی "ئەحمەد" و خەڵکی گوندی "ڕەحیمخان" سەر بە بۆکان، لەلایەن دادگای ئینقلابی ئەو شارەوە بە ١ ساڵ و ٢ مانگ زیندان، ٧٠ زەربە قامچی و دانی بڕی ٣٠ ملیۆن تمەن سزای نەختی، مەحکووم کرا.
ڕۆژی دووشەممە ٢٤ی خەزەڵوەر، کچێکی تەمەن ١٤ ساڵ بە ناوی "ئەلینا سادقی" کچی "ئەمیر" و خەڵکی شاری کامیاران، هەوڵی خۆکوژیی دا.
ڕۆژی چوارشەممە ١٩ی خەزەڵوەر، سمکۆ مەعرووفی، چالاکی ژینگەیی و ئەندامی ئەنجومەنی ژینگەیی "وڵات"، بۆ جێبەجێکردنی حوکمەکەی ڕەوانەی زیندانی بۆکان کرا.
ئاژانسی هەواڵدەریی کوردپا
