ڕۆژی چوارشەممە ٤ی جۆزەردان، هاووڵاتییەکی کورد بە ناوی "ڕێبوار چارکداری" پاش بانگهێشتکردنی بۆ دادگای ئینقلابی شنۆ، دەسبەسەر و بۆ جێبەجێکردنی ماوەی زیندانییەکەی ڕەوانەی زیندانی ئەو شارە کرا.
ناوەندە ئەمنییەتییەکان لە شاری سەرپێڵ‌زەهاو هۆشدارییان بە بەڕێوەبەرانی کاناڵە تێلگێرامییەکانی ئەو شارە دا کە لە بڵاوکردنەوەی وێنە و هەواڵی هاووڵاتییانی دەسبەسەرکراوی ناڕازی بە گرانی، خۆیان ببوێرن.
هاووڵاتییەک بە ناوی "شلێر ئەحمەدی" کچی مستەفا خەڵکی گوندی "قزڵقۆپیـ"ـی شاری مەهاباد، هەروا لە زیندانی ورمێدا ڕاگیراوە.
ڕۆژی چوارشەممە ٤ی جۆزەردان، مەحیەدین ئیبراهیمی زیندانیی سیاسیی کورد مەحکووم بە ئێعدام خەڵکی شاری شنۆ، لە گرتنگەی ئیتلاعاتی سپای پاسداران گەڕێندرایەوە بۆ زیندانی ورمێ.
ڕۆژی چوارشەممە ٤ی جۆزەردان، ژنێکی لاو بە ناوی "ئازادە ئیبراهیمی" کچی عەسکەر خەڵکی ورمێ، بە هۆکاری نادیار کۆتایی بە ژیانی خۆی هێنا.
ڕۆژی سێشەممە ٣ی جۆزەردان، هاووڵاتییەکی کورد بە ناوی "محەممەدڕەسووڵ ئەلیاسی" تەمەن ٢٧ ساڵ کوڕی محەممەدتاهیر خەڵکی شاری پیرانشار، پاش بانگهێشتکردنی بۆ دادگای ئینقلابی ئەو شارە، بۆ جێبەجێکردنی ماوەی زیندانییەکەی دەسبەسەر و ڕەوانەی زیندانی…
پۆلیسی فەتا هۆشداریی بەو ژنانە لە شارەکانی سەرپێڵ‌زەهاو و قەسری‌شیرین دا کە بانگەشە بۆ بەشی لەشجوانیی ژنان لە تۆڕە کۆمەڵایەتییەکان دەکەن.
کاناڵە تێلێگرامییە خۆجێییەکانی شاری پاوە بڵاویان کردووەتەوە کە لە بەیانیی ئەمڕۆ چوارشەممە ٤ی جۆزەردان، هاتوچۆکردن لە سنووری پاوە هەتا کاتێکی نادیار قەدەغە کراوە.
ئەمڕۆ چوارشەممە ٤ی جۆزەردان، کۆڵبەرێکی کورد بە ناوی "مادێح کەریمی" خەڵکی گوندی "بڵبەر" و دانیشتووی شاری مەریوان، بەهۆی بەربوونەوە لە بەرزاییەکانی سنووری "تەتە"ی هەورامان بە سەختی بریندار بوو.
ڕۆژی دووشەممە ٢ی جۆزەردان، "مەحیەدین ئیبراهیمی" زیندانیی سیاسیی کوردی مەحکووم بە ئێعدام، خەڵکی شاری شنۆ، لە بەندی زیندانییانی سیاسیی زیندانی ورمێ بۆ شوێنێکی نادیار ڕاگوێزرا.
ئاژانسی هەواڵدەریی کوردپا
