سەلاح ڕەحمانی، چالاکی مەدەنیی خەڵکی شاری نە‌غەدە، کە نزیک بە دوو مانگ لە هەوڵی وەرگرتنی ناسنامە بە ناوی کوردیی "بانان" بۆ منداڵەکەی بوو، باسی لە بە ئاکام گەیشتنی ئەو هەوڵەی خۆی کرد.
دۆخی تەندروستیی جەستەیی شەعبان محەممەدی لە ئەندامانی هەیئەتی بەڕێوەبەریی ئەنجومەنی سێفیی مامۆستایانی کوردستان - مەریوان، لە زیندانی ئێڤین نالەبارە.
هێزە نیزامییەکان پاش گۆڕینی تاکتیکی بەکاربردنی چەکی تاپڕ بۆ تەقە کردن لە کۆڵبەران، هەنووکە لە چەکی ژ٣ و کڵاشینکۆف کەڵک وەردەگرن.
ڕۆژی سێشەممە ٤ی گەلاوێژ، لاوێکی تەمەن ٢١ ساڵ بە ناوی "سینا زەفەری" کوڕی سەروەر خەڵکی شاری کامێران بە تەقەی هێزە ئینتزامییەکان لە شاری ئەهواز کوژرا.
ڕۆژی پێنجشەممە ٦ی گەلاوێژ، لاوێک بە ناوی "حەسیب حەسەن‌زادە" تەمەن ١٨ ساڵ کوڕی ڕەحمان و سێ مێرمنداڵ بە ناوەکانی "سامان حەسەن‌زادە" تەمەن ١٧ ساڵ کوڕی مستەفا، "زانیار حەسەن‌زادە" تەمەن ١٦ ساڵ کوڕی ئیسماعیل و"پێشەوا شاداب" تەمەن ١٦ ساڵ کوڕی…
ڕۆژی پێنجشەممە ٣٠ی پووشپەڕ، چالاکێکی مەدەنی بە ناوی "شادی دەرگاهی" هاوژینی ئیرەج ڕەحیم‌زادە، چالاکی ژینگەپارێزی پاش بانگهێشتکردنی بۆ ستادی خەبەریی ئیدارەی ئیتلاعاتی مەریوان دەسبەسەر کرا.
سەرلەبەیانیی ئەمڕۆ پێنجشەممە ٦ی گەلاوێژ، حوکمی ئێعدامی دوو زیندانی بە ناوەکانی "هیوا ئەحمەدی" خەڵکی گوندی "بێساران" و "پەیام یەزدانی" خەڵکی گوندی "کەکڵیاوا"ی سەر بە سەوڵاوا، لە زیندانی ناوەندیی سنە، جێبەجێ کرا.
هاووڵاتییەکی کورد بە ناوی "ئیقباڵ دووستی" تەمەن ٥٣ ساڵ خەڵکی گوندی "تەنگیسەر" و دانیشتووی شاری سنە، لە گرتنگەی ئیدارەی ئیتلاعاتدایە و لە چارەنووسی ناوبراو زانیارییەک لە بەردەستدا، نییە.
ڕۆژی چوارشەممە ٥ی گەلاوێژ، کۆڵبەرێک بە ناوی "ڕزگار" کوڕی عارف خەڵکی شاری بانە، بەهۆی تەقەی هێزە نیزامییەکان لە سنووری "سەرتەزێن"ی ئەو شارە، بریندار کرا.
ئەمڕۆ چوارشەممە ٥ی گەلاوێژ، کۆڵبەرێک بە ناوی "شێرکۆ چاوشینی" کوڕی محەممەد خەڵکی گوندی "ورچەک" سەر بە شاری سەردەشت، بەهۆی تەقەی هێزە نیزامییەکان لە سنووری "سەرتەزێن"ی ئەو شارە، گیانی لەدەست دا و دوو کۆڵبەری دیکە بریندار بوون.
ئاژانسی هەواڵدەریی کوردپا
