ڕۆژی هەینی ٢٤ی خەرمانان، هاووڵاتییەک بە ناوی "جەماڵ حوسێنپوور"، لەگەڵ دوو کوڕەکەی خۆی بە ناوەکانی "ئەحمەد و مێهدی حوسێنپوور"، خەڵکی گوندی "ساوان"، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
ڕۆژی یەکشەممە، ٢٦ی خەرمانان، هاووڵاتییەکی کورد بە ناوی "بەهمەن بالوی"، تەمەن ٤٠ ساڵ و خەڵکی دێهلۆڕان، دانیشتووی شاری ئەراک، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئازاد ئەمینی، چالاکی ژینگەپاریزیی خەڵکی سەقز، بە مەبەستی لێپرسینەوە بۆ یەکێک لە گرتنگە ئەمنییەتییەکانی سنە ڕاگوێزراوە.
ڕۆژی شەممە، ٢٥ی خەرمانان، هاووڵاتییەکی کورد بە ناوی "مێهران ساعدی"، تەمەن ٢٩ ساڵ و کوڕی ئەحمەد، خەڵکی سەقز، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی شەممە، ٢٥ی خەرمانان، بەختیار نەزەری، هاووڵاتیی خەڵکی مەریوان، پاش بانگهێشتکران بۆ ئیدارەی ئیتلاعاتی سپای ئەم شارە، دەسبەسەر کراوە.
ڕۆژی شەممە، ٢٥ی خەرمانان، دوو هاووڵاتیی کورد بە ناوەکانی "فەرزاد ڕەحمەتی"، خەڵکی سەقز و "بێهرووز گوڵنما"، خەڵکی سنە، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
ڕۆژی شەممە، ٢٥ی خەرمانان، گەلاوێژ تەهماسبی، چالاکی مەدەنی و شاخەوانی خەڵکی سنە، پاش بانگهێشتکران بۆ ئیدارەی ئیتلاعاتی ئەم شارە دەسبەسەر کرا.
ڕۆژی شەممە، ٢٥ی خەرمانان، ڕۆژان مەلەکی، تەمەن ١٦ ساڵ و خەڵکی گوندی تەنگیسەر، دانیشتووی شاری مەریوان، بانگهێشتی ئیدارەی ئیتلاعاتی ئەم شارە کرا و لێپرسینەوەی لێ کرا.
ڕۆژی هەینی، ٢٤ی خەرمانان، مێرمنداڵێکی تەمەن ١٥ ساڵ، بە ناوی "کاوان ڕەزایی"، خەڵکی سنە، لەلایەن هێزە ئەمنییەتییەکانەوە دەسبەسەر کرا.
٣١ ساڵ پێش لە تێرۆری میکۆنۆسدا، دوکتور سادق شەرەفکەندی، سکرتێری گشتیی حیزبی دێموکراتی کوردستانی ئێران، فەتاح عەبدولی ئەندامی کۆمیتەی ناوەندی و نوێنەری حیزبی دێموکرات لە ئورووپا، هومایوون ئەردەڵان، نوێنەری حیزبی دێموکرات لە ئاڵمان و نووری…
ئاژانسی هەواڵدەریی کوردپا
