ڕۆژی دووشەممە، ٢٧ی خەرمانان، هاووڵاتییەکی کورد بە ناوی "ئارش شەریفی"، تەمەن ٣٢ ساڵ و کوڕی عەباس، خەڵکی گوندی تەنگیسەر و دانیشتووی مەریوان، لە گرتنگەی ئیدارەی ئیتلاعاتی سنەوە بۆ زیندانی مەریوان ڕاگوێزرا.
سەرلەبەیانیی ڕۆژی سێشەممە، ٢٨ی خەرمانان، دوو هاووڵاتیی کورد بە ناوەکانی "خەبات دێهدار" و "ڕامیار دێهدار"، خەڵکی سنە، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
ڕۆژی دووشەممە، ٢٧ی خەرمانان، ئازاد عەباسی، چالاکی مەدەنی و وانەبێژی زمانی کوردیی خەڵکی دێولان، لەلایەن هیزە ئەمنییەتییەکانەوە دەسبەسەر کرا و بۆ شوێنیکی نادیار ڕاگوێزرا.
ڕۆژی شەممە ٢٥ی خەرمانان، سێ هاووڵاتیی کورد بە ناوەکانی "مێهران کووهی"، مێهدی فەیزی" و "ئومید خوسرەوی"، خەڵکی شاری قوروە، لەلایەن هێزە ئەمنییەتییەکانەوە دەسبەسەر کران.
ڕۆژی یەکشەممە ٢٦ی خەرمانان، بێهنام سەمووری، مێرمنداڵی تەمەن ١٧ ساڵ، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سەرەڕای تێپەربوونی دوو حەفتە لە دەسبەسەرکرانی سەفا عائێلی، خاڵۆی ژینا_مەهسا ئەمینی، هیچ زانیارییەک سەبارەت بە چارەنووس و شوێنی ڕاگیرانی ناوبراو لەبەر دەستدا نییە.
شەوی یەکشەممە، ٢٦ی خەرمانان، کۆڵبەرێک بە ناوی "شارام ڕەسووڵزادە"، خەڵکی سەردەشت، بە تەقەی هێزە نیزامییەکانی حکوومەت، بریندار بوو.
دادگا، حوکمی یەک مانگ دەسبەسەرکرانی کاتیی بۆ هێرۆ قەدیمی، چالاکی مەدەنیی ناسراوی خەڵکی سەقز، دەر کرد.
شەوی یەکشەممە، ٢٦ی خەرمانان، هاووڵاتییەک بە ناوی "مێهدی حاتەمی"، تەمەن ١٨ ساڵ و خەڵکی شاری دێهلۆڕان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
دوو هاووڵاتی بە ناوەکانی "ڕەزا ئیبراهیمی" و "سەجاد سەیدمورادی"، خەڵکی شاری دێهلۆڕان، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
ئاژانسی هەواڵدەریی کوردپا
