بەپێی ڕاپۆرتی ڕێکخراوی مافی مرۆڤی ئێران، بەیانیی ڕۆژی یەکشەممە ١٦ی بانەمەڕی ١٤٠٣، سزای لەسێدارەدانی بەندکراوێک بە ناوی "حوسێن بایزیدی"، تەمەن ٥١ ساڵ و خەڵکی میاندواو لە بەندیخانەی دەستگردی ئێسفەهان جێبەجێ کرا.
سەرلەبەیانیی ڕۆژی دووشەممە ١٧ی بانەمەڕی ١٤٠٣، دوو هاووڵاتیی کورد بە ناوەکانی "سەلام سوڵتانی"، خەڵکی گوندی "خورینج" و "محەممەد مورادی'' خەڵکی گوندی "بێکۆس" سەر بە شاری پیرانشار لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار…
شەوی یەکشەممە، ١٦ی بانەمەڕی ١٤٠٣، کۆڵبەرێک بە ناوی "عەتا ڕۆستەم‌پوور"، خەڵکی شاری سەقز، بە تەقەی هێزە نیزامییەکانی حکوومەت لە سنووری "هەنگەژاڵ"ی بانە گیانی لەدەست دا.
ڕۆژی پێنجشەممە، ١٣ی بانەمەڕی ١٤٠٣، عوسمان ئیسماعیلی، چالاکی کرێکاریی خەڵکی سەقز، لە بەندیخانەی سنەوە گەڕێندرایەوە بەندیخانەی سەقز.
سەرلەبەیانیی ڕۆژی دووشەممە، ١٧ی بانەمەڕی ١٤٠٣، دوو هاووڵاتیی کورد بە ناوەکانی "سومەیە قادری" کچی تاهیر و خەڵکی گوندی "گەزگەسک" سەر بە شاری پیرانشار و "حوسێن بایزیدی" کوڕی محەممەد خەڵکی پیرانشار لەلایەن هێزە ئەمنییەتییەکانەوە دەسبەسەر کران.
مێرمنداڵێکی تەمەن ١٦ ساڵ بە ناوی "مۆبین شێخەپوور"، کوڕی ڕەسووڵ و خەڵکی گوندی "قومقەڵا"، سەر بە شاری مەهاباد، پاش بانگکران بۆ ئیتلاعاتی ورمێ دەسبەسەر کرا.
سەرەڕای تێپەڕبوونی زیاتر لە یەک حەفتە لە دەسبەسەرکرانی هاووڵاتییەکی کورد بە ناوی «ستار کیانی» کوڕی سەعید خەڵکی گوندی تازاوای سۆفی بلە، سەر بە بەشی سەرشیوی مەریوان سەبارەت بە چارەنووس و شوێنی ڕاگیرانی ناوبراو زانیارییەک لەبەر دەستدا نییە.
ئاریان مەمەندی، کۆڵبەری خەڵکی سەردەشت دوابەدوای برینداربوونی چاوەکانی لە ئاکامی تەقەی فیشەکی ساچمەیی هێزە نیزامییەکان چاوێکی خۆی لەدەست دا.
لە درێژەی دەسبەسەرکردنی هونەرمەندان بە ئامانجی سەرکوت و تۆڵەسەندنەوە لە بەڕێوەچوونی ڕێوڕەسمە نەورۆزییەکان لە کوردستان، بەردین (حەمزە) جەعفەری، هونەرمەندی کورد لەلایەن هێزە ئەمنییەتییەکانەوە لە گیەڵان دەسبەسەر کرا.
سەرلەبەیانیی ڕۆژی چوارشەممە ١٢ی بانەمەڕی ١٤٠٣، سزای لەسێدارەدرانی بەندکراوێک بە ناوی "خەسرەو باباوەلەدینی" خەڵکی گوندی "سەرماج حوسێنخانی" سەر بە شاری هەرسین لە بەندیخانەی ناوەندیی کرماشان جێبەجێ کرا.
ئاژانسی هەواڵدەریی کوردپا
