سەرلەبەیانیی ڕۆژی سێشەممە ١٨ی بانەمەڕی ١٤٠٣، مامۆستا عەبدوڵڵا بەرزگەر، پێشنوێژی گوندی "کونە مشکه" سەر بە شاری سەردەشت لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی چوارشەممە ١٩ی بانەمەڕی ١٤٠٣، ئەیووب ڕەسووڵزادە، چالاکی بواری ژینگەی خەڵکی پیرانشار، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی چوارشەممە ١٩ی بانەمەڕی ١٤٠٣، حاجی بەرزە، چالاکی مەدەنی و برای باپیر بەرزە، بەندکراوی سیاسیی کورد لەلایەن هێزە ئەمنییەتییەکانەوە لە پیرانشار دەسبەسەر کرا و بۆ شوێنێکی نادیار ڕاگوێزرا.
ڕۆژی سێشەممە ١٨ی بانەمەڕی ١٤٠٣، سەید ئەیووب مووسەوی، بەندکراوی سیاسیی پێشوو، خەڵکی گوندی «میراوێ» سەر بە شاری شنۆ، پاش بانگکران بۆ ئیدارەی ئیتلاعاتی سپای ئەم شارە دەسبەسەر کرا.
سەرلەبەیانیی ڕۆژی سێشەممە ١٨ی بانەمەڕی ١٤٠٣، سزای لەسێدارەدانی بەندکراوێک بە ناوی حەسەن موحەڕەڕ کوڕی حوسێن لە بەندیخانەی ناوەندیی ورمێ جێبەجێ کرا.
ڕۆژی دووشەممە ١٧ی بانەمەڕی ١٤٠٣، هاووڵاتییەکی کورد بە ناوی "حوسێن مەحموودپوور" کوڕی عەزیز و خەڵکی گوندی "گەرگولی خوارێ" سەر بە شاری پیرانشار بە مەبەستی جێبەجێکرانی سزای بەندکرانەکەی دەسبەسەر و ڕەوانەی بەبدیخانەی نەغەدە کرا.
ڕۆژی سێشەممە ١٨ی بانەمەڕی ١٤٠٣، کاسبکارێکی کورد بە ناوی "محەممەد قادری" کوڕی حاجی ساڵح و خەڵکی گوندی "شوێ" سەر بە شاری بانە، بە تەقەی هێزە نیزامییەکانی حکوومەت لە سنووری "گڵەسوورە"ی ئەم شارە گیانی لەدەست دا.
ڕۆژی چوارشەممە ١٢ی بانەمەڕی ١٤٠٣، هادی یووسف پوور، چالاکی مەزهەبیی خەڵکی پیرانشار لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی یەکشەممە، ١٦ی بانەمەڕی ١٤٠٣، چێشتخانەی "ڕۆمانۆ" هەڵکەوتوو لە شاری سەقز بە فەرمانی "ئیدارەی چاوەدێریکردن بەسەر شوێنە گشتییەکانی فەرماندەیی ئینتیزامیی شاری سەقز" و بەپێی یاسای بەرەوڕووبوونەوە لەگەڵ "بێ حیجابی" داخرا.
ڕۆژی سێشەممە ١٨ی بانەمەڕی ١٤٠٣، جەمشید چەرخکار، چالاکی بواری ژینگە و ئەندامی گرووپی شاخەوانیی "چلچەمە"ی سنە لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئاژانسی هەواڵدەریی کوردپا
