هەواڵدەریی "مێهر" سەر بە حکوومەت، لە هەواڵێکدا باسی لە دەسبەسەرکردنی بنەماڵەی "پوویا بەختیاری"، هاووڵاتیی ناڕازی لە کۆبوونەوە ناڕەزایەتییەکانی مانگی خەزەڵوەری ئەمساڵ کرد.
وەزارەتی خەزێنەداریی ئامریکا، دوو دادوەری ئێرانیی بە پێشێلکردنی ماف لە ئێران و هاووڵاتییانی دوو ڕەگەزنامەیی مەحکووم و خستیانیە لیستی گەمارۆکانەوە.
٢٤ ناوەند و ڕێکخراوی مافی مرۆیی، بە بڵاوکردنەوەی نامەیەکی هاوبەش ڕوو لە "شورای مافی مرۆڤی ڕێکخراوی نەتەوە یەکگرتووەکان"، خوازیاری لێکۆڵینەوەیەکی سەربەخۆ بەنیسبەت سەرکوتکردنی کۆبوونەوە ناڕەزایەتییەکانی مانگی خەزەڵوەر لە ئێران بوون.
دێموکرات و کۆماریخوازەکان لە کۆنگرەی ئامریکا، گەڵاڵەیەکیان لەمەڕ پشتیوانی لە کۆبوونەوە ناڕەزایەتییەکانی ئێران پێشکەش کرد.
بەهۆی ناڕەزایەتی دەربڕینی هاووڵاتییان لە ئێران و کوردستان، بەپێی وتەکانی بەرپرسی ناوەندی پەیوەندییەکانی وەزارەتی تەندروستی، ئەو ناوەندە حکوومەتییە خەسارەتی ٤٠ هەتا ٥٠ میلیارد تمەنیی بەرکەوتووە.
پاش بەردەوامبوونی خۆپیشاندانەکان لە ئێران و کوردستاندا، دەسەڵاتی ئیدارەکانی پزیشکی یاسایی ڕادەستی حیفازەت ئیتلاعاتی گشتیی دەزگای دادوەری کرا.
لە ٦ مانگی سەرەتای ئەمساڵ بە بەراورد لەگەڵ ساڵی ڕابردوودا، ڕێژەی قوربانییانی ڕووداوی کار لە ئێراندا، ٧.٥ لەسەد بەرزبوونەوەی بە خۆوە بینیوە.
بە وتەی بەرپرسی "ستادی ئەمری بە مەعرووف و نەهی لە مونکێر"ی ئێران، لە سەرەتای هاتنە سەر کاری حکوومەت ، ١٥ هەزار کەس بە تۆمەتی پەیوەندیدار بە ماددەی سڕکەرەوە لە سێدارە دراون.
٦ چالاکی کرێکاریی ئێرانی، لە زیندانەکانی "قەرەچکی وەرامین و ئێوین"، بە دانانی بارمتەی قورس هەتا کاتی بەڕێوەچوونی دادگاییەکەیان، بە شێوەی کاتی ئازاد کران.
بەهۆی تەقینەوەی یەکێک لە مینە چێندراو و کۆنەکراوەکانی شەڕی ئێران و عێراق، لە شاری "بستان"ی پارێزگای خووزستان، هاووڵاتییەک کوژرا و دوو هاووڵاتیی دیکە بەسەختی بریندار بوو.
ئاژانسی هەواڵدەریی کوردپا
