كۆمەڵێك لە خوێندكارانی زانكۆكانی ئازادی ئیسلامی و پەیام نووری مەریوان لە بەرەبەری نۆیەمین خولی هەڵبژاردنی حكوومەتی ئیسلامیی ئێراندا لە بەیاننامەیەكدا داوایان لە چین و توێژەكانی خەڵكی كوردستان كردووە كە لەو هەڵبژاردنەدا بەشداری نەكەن.
پاش نەدانی مووچەی 7 مانگی كرێكارانی خۆجێی بەنداوی داریان پاوە، كرێكاران و خەڵكی گوندی داریان سێرۆژی بەردەوامە بە كۆمەڵ لە هەمبەر كەمتەرخەمییەكانی بەڵێنەردا دەستیان داوەتە ناڕەزایەتی و مانگرتن.
سۆران دانشوەر چالاكی خوێندكاریی كورد لەلایەن لقی یەكی دادگای شۆڕشی شاری سنەوە حوكمی یەك ساڵ زیندانی هەڵپەسێراوی بۆ بڕاوەتەوە.
كرێكارانی كارگەی پەرریسی سنە لە ئیعتراز بە وەرنەگرتنی مووچەی 9 مانگ، دەستیان لە كار كێشاوە.
بنەماڵەی گیان لەدەست داوەكانی رووداوی شرناخ داوایان لە مەسعوود بارزانی كردوە كە بە مەبەستی بەرز راگرتنی یادی قوربانیانی گوندی رۆبۆسكی، مۆنۆمێنێتێك درووست بكات.
لە ئەنجامی دەستڕێژی راستەوخۆی هێزە نیزامییەكانی حكوومەتی ئیسلامیی ئێران لەسەر سنووری ئێران – توركیە، هاووڵاتییەكی كوردی توركیە بووە قوربانی و دوو كەسی دیكەش بە توندی بریندار بوون.
كۆمیسێری باڵای مافی مرۆڤی رێكخراوی نەتەوە یەكگرتووەكان خوازیاری ئەوەیە كە لێپرساراوانی باڵای سووریە لە دادگای نێودەوڵەتیی لاهە دادگایی بكرێن.
دوو خوێندكاری كوردی زانكۆی ئازادی شاری مەهاباد دوای تێپەڕینی دوو مانگ لە دەستبەسەر كردنیان لەلایەن هێزە ئەمنیەتییەكانی حكوومەتی ئیسلامیی ئێرانەوە، چارەنووسیان ناڕوونە.
شارە جۆراوجۆرەكانی سووریە بەردەوام شایەتی كوشتنی هاووڵاتییانی ناڕازین، ئەمڕۆ و دوێنێ لە سەرجەم شار و شارۆچكەكانی سووریە، 117 كەس لەلایەن هێزە ئەمنیەتییەكانی سووریەوە كوژراو و بریندار بوون.
لە سەرەتای ساڵی 2012وە هەتا ئێستا زیاتر لە یەك هەزار كەس لە هاووڵاتییانی توركیە كە زۆربەیان كوردن لەلایەن دەزگا ئەمنیەتییەكانی حكوومەتی توركیەوە دەستبەسەر كراون.
ئاژانسی هەواڵدەریی کوردپا
