لەمانگی گەلاوێژی ساڵی ١٣٩٣ی هەتاوییدا، ٩ كرێكاری خەڵكی ناوچە كوردنشینەكانی ئێران بە هۆی روودای كارەوە بوونەتە قوربانی و لەنێو قوربانییەكانیشدا منداڵێكی كار وەبەر چاو دەكەوێ،كە بەهۆی تەقینەوەی كارگەیەك گیانی لەدەست داوە.
ژمارەیەك لە پەناخوازانی كوردستانی ئێران كە ویستوویانە لەرێگەی تورکیاوە دەربازی وڵاتێكی سێیەم ببن، لەلایەن پۆلیسی ئەو وڵاتەوە دەستبەسەر كراون.
زیندانییەکی بەساڵاچووی کوردی سوننی مەزهەب لە زیندانی رەجایی شاری کەرەج، تووشی نەخۆشی بووەو هەنووکە بۆ چوونە دەرەوە بۆ نەخۆخشخانەی دەرەوەی زیندان، رێگریی لێ دەکرێت.
هێزە چەکدارەکانی حکوومەتی ئیسلامیی ئێران، بە بیانووی نزیک بوونەوە لە خاڵە سنوورییەکان تەقە لە هاووڵاتییان دەکەن و هەتا ئێستا دەیان هاووڵاتیی مەدەنی و کۆڵبەریان بەو بیانوویەوە کوشتووە.
دەزگای قەزایی حکوومەتی ئیسلامیی ئێران لە شاری سنە، دوو لاوی کوردی بە زیندانی تەعزیری مەحکووم کرد.
بەرموور: حەفتەی چوارەمی مانگی گەلاوێژی ١٣٩٣ی هەتاوی
چالاکێکی سیاسیی کورد رەوانەی ژووری تاکەکەسی کراو خوێندکارێکی کوردیش حوکمی زیندانی و بێبەری کران لە خوێندنی بۆ بڕایەوە.
سێچالاكی سیاسیی کورد كە کەسێکیان مامۆستای ئایینیە، لەلایەن دادگای ئینقلابی شاری مەهابادەوە سەرجەم بە ١١ ساڵ و شەش مانگ زیندان مەحکووم کران.
لە کاتێکدا کەمپینەکانی کۆکردنەوەی یارمەتی بۆ لێقەوماوانی شنگال لە شارەکانی سەقز و کامیاران، بە مۆڵەتی فەرمییەوە ماوەی چەند رۆژێک بوو دەستیان بە چالاکی کردبوو، چالاکییەکانیان پێ راگرتن.
هاوكات لەگەڵ یارمەتییەكانی چالاكانی ئەدەبی ـ فەرهەنگیی كورد بە كەمپەینی پشتیوانی لە خەڵكی شنگال، ژمارە حیسابی ئەو كەمپەینە لەسەردەشت داخرا.
ئاژانسی هەواڵدەریی کوردپا
