Girtiya siyasî ya Kurd li girtîgeha Êvînê Pexşan Ezîzî cezayê îdamê lê hat birîn
![](/content/upload/1/news-kurdpa/6595.jpg)
Pexişan Ezîzî girtiya siyasî, rojnamevan û karmendê civakî yê Kurd ê derçû, piştî nêzîkî salekê ji binçavkirinê ji aliyê dadgeha Şoreşa Tehranê ve bi tohmeta “îxanet” cezayê îdamkirinê lê hat birîn û 3 kes ji malbata wî jî hevdem bi girtîgehê hatin cezakirin.
Ev ceza ji aliyê taya 26 a dadgeha Şoreş a Tehranê bi serokatiya dadwer “Îman Efşarî” bi tohmeta “îxanet” bi rêya “endamtiya di yek ji partiyên Kurd ên opozisyona hikûmeta Îranê” de hatiye dayîn.
Cezayê xanim Ezîzî di demekê de ye ku ev girtiya siyasî di heyama 8 mehên binçavkirin û lêpirsînê de ji mafê hebûna parêzer û hevdîtina malbata xwe bêpar bû.
Dadgehkirina wê rojnamevana Kurd di meha Pûşpera sala 1403ana Rojî de hatiye lidarxistin û ev ev ceza roja Sêşemî 2ê Gelawêjê bi parêzerê wê re hatiye ragihandin.
Di heman demê de 3 endamên malbata wê jî bi cezayê girtîgehê li ser wan hatiye sepandin ku heta niha agahiyên wan nehatine zanîn.
Di 31’ê Pûşpera 1403’an a Rojî de, di nameyek vekirî de ji girtîgeha Êvînê ya bi sernavê “Veşartina heqîqet û alternatîfa wê”, dema ku behsa êş û azarên “jinbûn” û “Kurdbûn”ê di pergala Komara Îslamî de kir, îşkenceyên wê yên di odeya takekesî de û binçavkirina wê ya di şert û mercên nemirovane de tên nîşandan.
Di Sermaweza sala 1402’an a Rojî de, piştî çar mehan lêpirsînê, Ezîzî ji benda 209 a girtîgeha Êvînê bo beşa jinan a vê girtîgehê hat veguhastin.
Ev derçûya karûbarê civakî di 13’ê Gelawêja 1402’an a Rojî de ji aliyê hêzên ewlehiyê yên Tehranê ve hat binçavkirin û bo benda 209 a girtîgeha Êvînê hat veguhastin.
Herwisa xanim Ezîzî roja 25’ê Sermaweza 1388’an a Rojî, di kombûna nerazîbûna xwendekarên Kurd ên zanîngeha Tehranê li dijî îdamkirinên siyasî li Kurdistanê de, ji aliyê hêzên ewlehiyê ve hatibû binçavkirin û piştî çar mehan ji binçavkirina demkî, bi danîn barimteyê hatibû azadkirin.
Ev çalakvana jin a Kurd piştî demekê ji Îranê derketibû û di salên borî de li Herêma Kurdistana Iraqê mabû.