مەرزیە مورادوەیسی، سیروان عەبدوڵڵاهی، مێهدی سەیفی، فەردین ڕەحیمی و عەلی ئەڵڵاوەیسی لە ئەندامانی کەمپەینی "ژیانەوەی کوردستان"، لەلایەن لقی ٤ی دادگای پێداچوونەوەی پارێزگای سنە، هەر کامیان بە ٥ مانگ زیندانی تەعزیری و چوار ساڵ زیندانی تەعلیقی…
ڕۆژی سێشەممە ١ی خەرمانان، زارا محەممەدی، مامۆستای زمانی کوردی و ئەندامی ئەنجومەنی فەرهەنگی ـ کۆمەڵایەتیی "نۆژین"، لە کانوونی ئیسلاح و تەربییەتی سنە، ئیزنی مەرەخەسیی پێ درا.
سەرلەبەیانیی ئەمڕۆ سێشەممە ١ی خەرمانان، هاووڵاتییەکی کورد بە ناوی "جەماڵ عەلەوی" خەڵکی گوندی "کۆسەکەرێز"ی شاری مەهاباد، لەلایەن هێزە ئەمنییەتییەکانەوە دەسبەسەر کرا.
لە نوێترین هەواڵ لە سەر بارودۆخی سوعدا خەدیرزادە، زیندانیی سیاسیی کورد لە زیندانی ورمێ، هەواڵدەریی "میزان" سەر بە هێزی دادوەری، فیلمێکی لە دانپێدانانی زۆرەملێی ئەو زیندانییە سیاسییە و هەواڵی ڕەتکردنەوەی خۆکوژییەکەی بڵاو کردەوە.
ڕۆژی شەممە ٢٩ی گەلاوێژ، هاووڵاتییەکی کورد بە ناوی "حوسێن ئەحمەدی" کوڕی ئەبووبەکر خەڵکی گوندی "باغچە"ی شای بۆکان، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار، ڕاگوێزرا.
ڕۆژی دووشەممە ٣١ی گەلاوێژ، هاوڵاتییەکی کورد بە ناوی "ئومید ئیبراهیمی" کوڕی قادر خەڵکی شاری شنۆ، پاش بانگهێشتکردنی بۆ ئیدارەی ئیتلاعاتی ئەو شارە، دەسبەسەر کرا.
ڕۆژی شەممە ٢٩ی گەلاوێژ، هاووڵاتییەکی کورد بە ناوی "حامید مەحموودی" تەمەن ٣٨ ساڵ دانیشتووی شاری بانە، بۆ جێبەجێکردنی ماوەی زیندانییەکەی، بۆ زیندانی ئەو شارە، گوازرایەوە.
حوکمی ١٠ ساڵ و ڕۆژێک زیندانی تەعزیریی هاووڵاتییەکی کورد بە ناوی "حوسێن ئەلوەندکووهی" تەمەن ٢٩ ساڵ کوڕی عەزیز دانیشتووی شاری مەهاباد، بە پێی "تسلیم بە رای" بۆ ٧ ساڵ و ڕۆژێک کەم کرایەوە.
ڕۆژی شەممە ٢٩ی گەلاوێژ، شەعبان محەممەدی و مەسعوود نیکخا، لە ئەندامانی هەیئەتی بەڕێوەبەریی ئەنجومەنی سێنفیی مامۆستایانی کوردستان - مەریوان، پاش ١٠٠ ڕۆژ دەسبەسەری هەر کامیان بە دانانی بارمتەی ٢ میلیارد تمەنی لە زیندانی ئێڤین ئازاد کران.
جەواد بەنایی، بەرپرسی دادگوستەری شاری مەهاباد سەرەڕای دابینکردنی بارمتە بۆ ئازادی کاتیی سوعدا خەدیرزادە، زیندانیی سیاسیی کورد لە بەندی ژنانی زیندانی ورمێ، لەگەڵ ئازادی ئەو ژنە زیندانییە دژایەتیی دەکات.
ئاژانسی هەواڵدەریی کوردپا
